Real Madridi synon transferimin e top sulmuesit të Leipzig – ai ka oferta edhe nga Anglia

Sulmuesi i PSG-së i huazuar tek Leipzig, Xavi Simons, është lidhur me një largim të mundshëm nga Gjermania gjatë muajve në vazhdim.

21-vjeçari ka shkëlqyer me paraqitjet e tij me fanellën e Leipzig dhe sipas një raportimi nga CaughtOffside, Real Madridi është i etur për të siguruar shërbimet e tij dhe po e ndjekë atë nga afër.

Do të jetë interesante për t’u parë nëse gjiganti spanjoll është i përgatitur që të bëjë ndonjë ofertë për reprezentuesin holandez.

Simons është një lojtar i cili mund të operojë në disa pozicione të ndryshme, pasi përveç si mesfushor ofanziv, ai mund të luajë edhe në tri pozitat e sulmit.

Lexo po ashtu ‘Agjenti’ Bellingham – anglezi po ndihmon Real Madridin për transferimin e madh të verës

Në rast se madrilenët ia dalin që të sigurojnë transferimin e tij, atëherë Simons do të shtojë gola dhe kreativitet në sulmin e ‘Los Blancos’.

Real Madridi ka nevojë për më shumë kualitet dhe thellësi në sulmin e tyre dhe Simons mund të jetë një investim i mirë për të tashmen dhe të ardhmen.

Ai e ka dëshmuar kualitetin e tij në futbollin gjerman dhe i ka të gjitha atributet fizike dhe teknike për të pasur sukses në Spanjë gjithashtu./Telegrafi/