Ancelotti zbulon dy lojtarët të cilëve mund t’u besojë më shumë për momentin

Carlo Ancelotti ka lënë të kuptohet se ai do t’i japë më shumë kohë për lojë Arda Gulerit dhe Dani Ceballosit në ndeshjet e ardhshme të Real Madridit.

Trajneri italian ka reaguar për paraqitjen e dyshes në fitoren e fundit ndaj Leganes duke thënë fjalë të mira për ta.

“Ceballos kontribuoi shumë, dhe Arda kontribuoi shumë me kreativitetin e tij në të fazën sulmuese dhe ishte afër të shënonte gola, por bëri një ndeshje të kompletuar”.

“Ata janë lojtarë të cilëve mund t’u besojmë në këtë moment”, ka thënë Ancelotti.

Guler bëri një paraqitje të shkëlqyer kundër Leganes në atë që ishte fillimi i tij i parë i sezonit, duke prodhuar një asistim për të provuar aftësinë e tij kur fillon ndeshjet.

Ceballos ishte gjithashtu mbresëlënës në mesfushë dhe potencialisht fitoi më shumë kohë për të luajtur në të ardhmen.

Me dëmtimet që shqetësojnë Real Madridin, veçanërisht me të fundit të Vinicius Jr, Ancelotti duhet të përdorë me zgjuarsi lojtarët e skuadrës së tij dhe veçanërisht t’i japë më shumë hapësirë Gulerit. /Telegrafi/