Të gjitha dënimet që UEFA ia shqiptoi Rumanisë për ndeshjen ndaj Kosovës

UEFA ka njoftuar sot (e mërkurë) se ka marrë vendim përfundimtar për ndeshjen e Kombëtares së Kosovës ndaj Rumanisë në Bukuresht, në kuadër të Ligës së Kombeve, ku nuk mungojnë edhe gjobat e majme me para.

Ndeshja e ndërprerë në minutat shtesë mes Kosovës dhe Rumanisë kur rezultati ishte 0-0, u vendos nga UEFA t’i takoj vendasve me rezultat zyrtar 3-0.

Përveç kësaj, Kosova u dënua edhe me një gjobë prej 6000 eurosh, por as Rumania nuk shpëtoi lehtë.

Lexo po ashtu Zyrtare: Kosova humbet me rezultat zyrtar ndeshjen ndaj Rumanisë

Vendasve rumun iu shqiptuan plotë shtatë gjoba të ndryshme, nga 4500 euro deri në 50,000 euro varësisht nga thyerjet e rregullave në një total prej 128 mijë eurosh dhe një ndeshje pa tifozë në shtëpi.

Rumania si organizator u dënua për sjellje raciste/diskriminuese, bllokim të rrugëve publike, hedhje të gjësendeve, ndezje të fishekzjarrëve, përdorim të laserëve, mos-respektim të himnit kombëtar dhe transmetim të mesazheve të papërshtatshme.

Dënimet e UEFA-s për Rumaninë:

– Të gjobisë Federatën Rumune të Futbollit me 50,000 euro dhe të urdhërojë mbylljen e stadiumit të Federatës Rumune të Futbollit gjatë (1) ndeshjes së ardhshme në të cilën Federata Rumune e Futbollit do të luajë si vendas, për sjelljen raciste/ose diskriminuese të mbështetësve të saj (në lidhje me thirrjet ksenofobike antihungareze).

– Të gjobisë Federatën Rumune të Futbollit me 30,000 euro për transmetimin e mesazheve provokuese politike që nuk janë të përshtatshme për një ngjarje sportive.

– Të gjobisë Federatën Rumune të Futbollit me 9000 euro për hedhjen e gjësendesve

– Të gjobisë Federatën Rumune të Futbollit me 4500 euro për ndezjen e fishekzjarreve.

– Të gjobisë Federatën Rumune të Futbollit me 8000 euro për përdorimin e laserëve.

– Të gjobisë Federatën Rumune të Futbollit me 12,500 euro për shkak të pengimit (mos-respektimit) të himnit kombëtar.

– Të gjobisë Federatën Rumune të Futbollit me 14,000 euro për bllokimin e rrugëve publike (shkallëve, hyrjeve/daljeve etj)

/Telegrafi/