“Nuk mbrohemi mirë, nuk jemi mirë mendërisht”, Ancelotti gjen problemin pas humbjes nga Milani

Trajneri i Real Madridit, Carlo Ancelotti ka gjetur problemin apo gabimin e skuadrës së tij pas humbjes nga Milani të martën mbrëma në Ligën e Kampionëve.

Real Madridi u mposht nga Milani në shtëpi me rezultat 3-1, por ata mund të kishin pranuar 5 ose 6 gola nëse portieri Andreiy Lunin nuk do t’i bënte ato pritje.

Dhe pikërisht mbrojtja e dobët është vënë në pah edhe nga trajner i Los Blancos, Ancelotti, i cili ka kritikuar skuadrën në këtë pikë.

“Ne nuk mbrohemi mirë. Duhet të jemi më kompakt. Na mungon soliditeti. Jemi të organizuar keq. Po, duhet të shqetësohemi”, ka thënë fillimisht Ancelotti pas kundër Milanit.

🎙️ @MrAncelotti: “Nos está faltando solidez”.#UCL pic.twitter.com/juYYrBOl3u

— Real Madrid C.F. (@realmadrid) November 5, 2024

“Duhet të fokusohemi në atë që kemi sot, që është një ekip që nuk po luan më së miri dhe po lufton sërish në të gjitha garat”.

“Nuk është një problem individual, është një problem kolektiv. Ne nuk jemi mirë mendërisht”, përfundoi trajneri i Los Blancos.

Ndryshe, Real Madridi ka pranuar shtatë gola në dy ndeshjet e fundit në shtëpi. Ata pësuan 18 gola në të gjitha garat këtë sezon pas 16 ndeshjeve. Është një problem tronditës mbrojtës që duhet rregulluar shpejt. /Telegrafi/