Zidane nuk hezitoi kur përmendi lojtarin që do t’i kalojë të gjithë në futboll

Zinedine Zidane nuk hezitoi kur zgjodhi lojtarin që do t’i kalojë të gjithë në futboll.

Francezi konsiderohet shpesh si një nga lojtarët më të mirë që ka zbukuruar ndonjëherë një fushë futbolli.

Mesfushori luajti për klube si Cannes, Bordeaux, Juventus dhe Real Madrid gjatë karrierës së tij yjore, duke fituar Superkupën e UEFA-s, La Ligën dhe Ligën e Kampionëve ndër trofe të tjerë.

Në total, ai ka shënuar 125 gola në 695 paraqitje në klub në të gjitha garat.

Duke folur së fundmi përpara nisjes së një dokumentari të fokusuar në superyllin e Francës dhe Madridit, Kylian Mbappe, Zidane ishte plot lëvdata për 25-vjeçarin.

Ai tha: “Mbappe është këtu tani. Ai do të bëjë histori në klub dhe mendoj se do t’i kalojë të gjithë”.

Mbappe iu bashkua Madridit këtë verë në një transferim të lirë pasi u largua nga gjiganti francez Paris Saint Germain.

Që kur u transferua në kryeqytetin spanjoll, sulmuesi ka bërë 11 paraqitje në të gjitha garat, duke shënuar shtatë gola dhe duke asistuar një herë. /Telegrafi/