Drejtori i Institutit të Kosovës për Drejtësi, Ehat Miftaraj, thotë se Prokuroria Speciale e Kosovës nuk dha shumë informacione për aktakuzën e ngritur kundër 45 personave për sulmin në Banjskë.
Derisa vlerëson “kohën e shpejtë” për të cilën është ngritur aktakuza, ai thotë se për publikun është shumë e rëndësishme të dihet nëse ajo ka të bëjë edhe me vepra që ndërlidhen me agresionin shtetëror ndaj Republikës së Kosovës, apo vetëm me një grup kriminal.
“Është e kuptueshme që prokurorët, në këtë fazë, mund të jenë të kufizuar në dhënien e informacioneve të detajuara lidhur me aktakuzën. Por, besoj se në pyetje të përgjithshme… kryeprokurori do të mund të përgjigjej”, thotë Miftaraj.
Të mërkurën, Prokuroria Speciale e Kosovës njoftoi se ka ngritur aktakuzë kundër 45 personave për sulmin e armatosur në Banjskë.
Në këtë fshat në veri të Kosovës, një grup i armatosur serbësh sulmoi shtatorin e kaluar policinë e Kosovës, duke vrarë rreshterin Afrim Bunjaku.
Autoritetet e Kosovës e cilësuan sulmin si terrorist dhe bënë përgjegjëse Serbinë për organizimin e tij. Kjo e fundit e mohoi përgjegjësinë.
Prokuroria e Kosovës njoftoi sot për ngritjen e aktakuzës kundër 45 personave për sulmin në Banjskë. Fillimisht, cili është komenti juaj për aktakuzën?
Ehat Miftaraj: Në radhë të parë, besoj se duhet përgëzuar Prokurorinë Speciale të Republikës së Kosovës që, në një afat rekord, në një afat kaq të shpejtë, ka ngritur një aktakuzë, e cila ndërlidhet me një rast shumë kompleks.
U përmend që janë 45 persona të dyshuar për vepra penale që lidhen me terrorizëm, shpëlarje të parasë dhe janë kundër rendit kushtetues.
Nisur nga fakti që Republika e Kosovës, fatkeqësisht, nuk ka pasur në dispozicion laboratorë për të bërë ekzaminimin e shumicës së provave dhe është dashur ndihma juridike ndërkombëtare nga shtete të ndryshme të botës, mund të themi se aktakuza është ngritur në një afat shumë të shpejtë.
Është pak e pazakontë që Prokuroria Speciale, në këtë rast si kryeprokurori, ashtu edhe prokurori i rastit, vetëm treguan se është ngritur aktakuza, por nuk dhanë përgjigje në disa tema, në disa pyetje, të cilat janë me interes për publikun dhe të cilat, në njëfarë mënyre, nuk do ta pengonin as hetimin, as procesin gjyqësor.
Çka mendoni konkretisht këtu? Për cilat informacione?
Ehat Miftaraj: Për publikun, për gazetarët është shumë e rëndësishme se a ka të bëjë aktakuza edhe me veprat që ndërlidhen me agresionin shtetëror ndaj Republikës së Kosovës, apo ndërlidhet vetëm me një grup kriminal, mirë të organizuar, i udhëhequr nga [Millan] Radoiçiq, që i ka kryer veprat e përcaktuara në aktakuzë.
Në konferencë nuk u përmend as përfshirja e mundshme e Serbisë, gjë që është potencuar vazhdimisht nga autoritetet e Kosovës deri më tash. Si e komentoni ju këtë?
Ehat Miftaraj: Është e kuptueshme që prokurorët, në këtë fazë, mund të jenë të kufizuar në dhënien e informacioneve të detajuara lidhur me aktakuzën. Por, besoj se në pyetje të përgjithshme – siç është kjo nëse në aktakuzë ka dëshmi që tregojnë përfshirjen direkte ose indirekte të Qeverisë së Republikës së Serbisë, të presidentit [të Serbisë, Aleksandar] Vuçiq, apo të institucioneve ushtarake apo policore serbe – kryeprokurori do të mund të përgjigjej.
Në raste të tilla, a priten informacione të përditësuara në ditët apo në javët në vazhdim?
Ehat Miftaraj: Në bazë të Kodit të Procedurës Penale, kjo aktakuzë, me siguri, është dërguar sot në gjykatë. Është obligim që të gjithë personave të pandehur, që kanë avokatë ose iu dihet adresa, t’iu dorëzohet kopja e aktakuzës. Pastaj, gjykata do të duhej të caktonte një shqyrtim fillestar, ku do të mund të publikoheshin më shumë të dhëna. Por, sidoqoftë, për aktakuzën – në këtë fazë, derisa nuk është publike – nuk mund të kemi më shumë informata, nëse prokuroria vetë nuk i ofron.
A prisni bashkëpunim nga Serbia?
Ehat Miftaraj: Unë besoj që kjo çështje është puro politike dhe ne e kemi parë që Serbia, deri më tani, ka pasur mungesë totale të vullnetit për të bashkëpunuar me institucionet e Republikës së Kosovës edhe për vepra penale më pak të rëndësishme.
Në rastin konkret, nëse Serbia do të ofronte bashkëpunim, do të duhej që direkt ta njihte Republikën e Kosovës, në mënyrë që t’i fillonte procedurat e lidhjes së marrëveshjes për ekstradim, e cila do t’i hapte pastaj mundësi ekstradimit të personave të kërkuar në Kosovë.
Muajin e kaluar, Ministria e Drejtësisë e Kosovës ka refuzuar dhënien e disa informacioneve që i ka kërkuar Serbia. Sugjeroni që edhe pala e Kosovës të tregohet më bashkëpunuese?
Ehat Miftaraj: Republika e Kosovës, deri në këtë fazë, e ka pasur pothuajse të pamundur që të shkëmbejë informata me autoritetin në Serbi lidhur me këtë rast, sepse ka qenë rast nën hetim. Çdo ndarje e informatave me Serbinë do të mund të keqpërdorej dhe t’i pengonte hetimet në Kosovë.
Me rastin e ngritjes së aktakuzës, Republika e Kosovës mund të ndajë informata me autoritetet në Serbi, të cilat nuk do ta pengojnë procedurën.
Sidoqoftë, po flasim për dy fusha, për dy kërkesa të bashkëpunimit totalisht të kundërta.
Përderisa Kosova ka kërkesë që Serbia të bashkëpunojë dhe t’i dorëzojë personat që dyshohen se kanë kryer sulm terrorist në Banjskë, Serbia kërkon informata nga autoritetet në Kosovë, për të cilat duhet të qartësojë se çka i nevojiten.
Në bazë të ligjit në Kosovë, vetëm Kosova ka autoritet për t’i hetuar, ndjekur dhe gjykuar personat që kanë kryer vepra penale në territorin e Kosovës. Kosova e ka pothuajse të pamundshme – në bazë të legjislacionit në fuqi – ta transferojë procedurën apo, në njëfarë mënyre, të lejojë që këtë rast ta hetojnë autoritetet në Serbi. /REL/
Lufta Prigozhin - Putin
Më shumë![Ngritja e aktakuzës për sulmin e armatosur në Banjskë, Hill: SHBA kërkon që sulmuesit të mbahen përgjegjës](https://telegrafi.com/wp-content/uploads/2022/12/1672156653-VEC_4363-01-1024x683-1-780x439.jpeg)
Ngritja e aktakuzës për sulmin e armatosur në Banjskë, Hill: SHBA kërkon që sulmuesit të mbahen përgjegjës
![Ish-hetuesi policor, Rrecaj: Aktakuza për rastin Banjska e ngutshme, si rezultat i presionit të Qeverisë](https://telegrafi.com/wp-content/uploads/2024/09/Radoicic-780x439.jpg)
Ish-hetuesi policor, Rrecaj: Aktakuza për rastin Banjska e ngutshme, si rezultat i presionit të Qeverisë
![Ulet numri protestuesve serbë para stacionit policor në veri të Mitrovicës](https://telegrafi.com/wp-content/uploads/2024/09/veriuiu-780x439.jpg)
Ulet numri protestuesve serbë para stacionit policor në veri të Mitrovicës
![Dosja e Prokurorisë në rastin 'Banjska': Kanë tentuar të shkëpusin pjesën veriore të Kosovës dhe t’ia bashkojnë Serbisë](https://telegrafi.com/wp-content/uploads/2024/09/251454-780x439.jpg)
Dosja e Prokurorisë në rastin 'Banjska': Kanë tentuar të shkëpusin pjesën veriore të Kosovës dhe t’ia bashkojnë Serbisë
![Konsumonin darka deri në 400 euro dhe iknin pa paguar, arrestohet çifti shqiptaro-italian në Korçë](https://telegrafi.com/wp-content/uploads/2024/08/policia-18-780x439.jpg)
Konsumonin darka deri në 400 euro dhe iknin pa paguar, arrestohet çifti shqiptaro-italian në Korçë
![Hyn në fuqi ligji i ri për Policinë në Shqipëri, kush ka 30 vite punë mbyll karrierën 55 vjeç](https://telegrafi.com/wp-content/uploads/2019/11/1548848764_policiaeshtetit800x4471-780x439.jpg)
Hyn në fuqi ligji i ri për Policinë në Shqipëri, kush ka 30 vite punë mbyll karrierën 55 vjeç
![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
![Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive](https://telegrafi.com/wp-content/uploads/2024/09/0-8-380x233.jpg)
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
![A don me u dok si zotni këtë sezon të dasmave?](https://telegrafi.com/wp-content/uploads/2024/06/Melodia-PX-7-380x233.png)
A don me u dok si zotni këtë sezon të dasmave?
![Kompletoje look-un me 50% zbritje](https://telegrafi.com/wp-content/uploads/2024/06/20240620-Telegrafi-Deals-01-01-380x233.png)
Kompletoje look-un me 50% zbritje
![Rahatoj kamt’ qysh është ma s’miri këtë verë](https://telegrafi.com/wp-content/uploads/2024/06/1-380x233.png)
Rahatoj kamt’ qysh është ma s’miri këtë verë
![Secila më e mirë se tjetra](https://telegrafi.com/wp-content/uploads/2024/06/0-6-380x233.png)
Secila më e mirë se tjetra
Më të lexuarat
![](https://telegrafi.com/wp-content/uploads/2024/09/337128830_209350631705413_4654525028738783584_n-780x439.png)
"E kam lut me u ndal”, pronari i hotelit ku kishte ndodhur vrasja në Dragodan rrëfen për ngjarjen
![Nuk ka qetësi te Belgjika, radha e De Bruynes të kapet me trajnerin Tedesco](https://telegrafi.com/wp-content/uploads/2024/09/de-bruyne-780x439.png)
Nuk ka qetësi te Belgjika, radha e De Bruynes të kapet me trajnerin Tedesco
![Rritet numri i gropave në fushat e Turqisë, po i afrohen zonave të banuara](https://telegrafi.com/wp-content/uploads/2024/09/Screenshot_10-8-780x439.png)
Rritet numri i gropave në fushat e Turqisë, po i afrohen zonave të banuara
![](https://telegrafi.com/wp-content/uploads/2024/09/7-5-780x439.jpg)
"Nëse nuk mund të flasim, pse të jetojmë" – rrëfimi i grave afgane që po ballafaqohen me sfidat pas ligjit të ri të talebanëve
![Komisioni i Ligës Premier merr vendimin përfundimtar për kartonin e kuq të Rice ndaj Brighton](https://telegrafi.com/wp-content/uploads/2024/09/declan-1-780x439.jpg)
Komisioni i Ligës Premier merr vendimin përfundimtar për kartonin e kuq të Rice ndaj Brighton
![Florent Muslija merr përgjegjësinë për skandalin e fundit](https://telegrafi.com/wp-content/uploads/2024/09/muslija-780x439.jpg)
Florent Muslija merr përgjegjësinë për skandalin e fundit