Carlo Ancelotti pranon se sistemi 4-3-3 i Real Madrid ka një ‘problem’

Pasi Real Madridi barazoi 1-1 në Mallorca, Carlo Ancelotti doli për të rrëfyer se ekipit të tij i mungonte ekuilibri dhe se sistemi aktual 4-3-3 mund të ketë disa probleme.

Trajneri italian ka pasur ankesa për repartin defensivë, megjithatë thotë se formacioni 4-3-3 mund të ketë disa probleme në lojë.

“Na mungonte ekuilibri”, tha trajneri italian pas barazimit 1-1 në Mallorca.

Lexo po ashtu Ancelotti i shqetësuar me paraqitjen e mbrojtësve të tij ndaj Mallorcas

“Është diçka që e gjen kur lojtarët mendojnë për të njëjtën gjë. Kur duhet të rikuperojmë topin, duhet të mendojmë të gjithë së bashku”.

“Është problem për sulmuesit dhe mbrojtjen. Është problem për një skuadër kur ndeshja nuk është kuptuar se ky ishte një aspekt shumë i rëndësishëm”.

“Mallorca luajti një lojë shumë të mirë në mbrojtje, më mirë se ne. Mendoj se barazimi është i saktë”, deklaroi Ancelotti.

Lexo po ashtu Katërshja e madhe e Realit kapet nga kamerat duke bërë strategjinë për lojë, Mbappe pajtohet me kërkesën e Bellingham

Real Madrid tentoi 12 goditje në ndeshjen kundër Mallorcas, por nuk arriti të shënonte më shumë se një gol me anë të Rodrygos.

Ndeshja e  ardhshme për Real Madrid është një ndeshje në shtëpi kundër Valladolid./Telegrafi/