Hummels po pret transferimin te Real Madridi, zbulohet qëndrimi i klubit

Mats Hummels ka mbetur lojtar i lirë dhe është në pritje të një kontrate të re për ta vazhduar karrierën.

Ditëve të fundit është raportuar se mbrojtësi gjerman ndodhet në listën e dëshirave të Real Madridit sipas Fernando Tabero të Diario AS.

Bardhezinjtë, megjithatë, nuk planifikojnë të shkojnë për gjermanin pasi kjo nënshkrim ‘nuk do t’i plotësonte kriteret e tyre’.

Lexo po ashtu Real Madridi në ‘gjah’ për një mbrojtës të ri, interesohet për dy yjet me eksperiencë të madhe

Real Madrid nuk sheh ndonjë opsion të përshtatshëm për qendërmbrojtësin në treg pasi humbi Leny Yoro.

Ata me shumë gjasa do të qëndrojnë te lojtarët që kanë, edhe pse Nacho është larguar ndërsa David Alaba është ende duke u rikuperuar nga dëmtimi i rëndë.

Opsionet e disponueshme të qendërmbrojtësve të Carlo Ancelottit përfshijnë Antonio Rudiger, Eder Militao dhe Jesus Vallejo.

Lexo po ashtu I dha fund aventurës me Dortmundin, Hummels mund ta vazhdojë karrierën në Serie A

Lojtarët si Aurelien Tchouameni, Ferland Mendy dhe Dani Carvajal gjithashtu mund të luajnë atje në rast urgjence.

Kësisoj Hummels duhet të shikojë opsione të tjera, pasi te Real Madridi duket se nuk duan të nënshkruajnë me mbrojtës të ri. /Telegrafi/