Kanë kaluar më shumë se 40 vite, kjo ishte skuadra e fundit që e mposhti Real Madridin në një finale të Ligës së Kampionëve

Real Madridi ka fituar nëntë finalet e fundit të Ligës së Kampionëve, gjë që ndoshta ju bën të pyesni veten për herën e fundit kur ata humbën një finale evropiane.

Los Blancos në finalen e Wembleyt kanë mposhtur Borussia Dortmundin për ta fituar për herë të 15-të trofeun më të çmuar në futbollin evropian, atë të Ligës së Kampionëve.

Por kanë kaluar më shumë se 40 vite kur Real Madridi ka humbur një finale të Ligës së Kampionëve, garë që ata janë rekordmenë absolut.

Lexo po ashtu Perez frikëson kundërshtarët: Sezonin tjetër luajmë për ta fituar të 16-tën

Duhet të kthehemi në vitin 1983 kur Los Blancos u përballën me skuadrën e Alex Ferguson, por jo Manchester United, ishte skuadra skoceze Aberdeen.

Finalja u zhvillua në Kupën e Fituesve të Kupave Evropiane që u shfuqizua në vitin 1999. Interesante, Real Madrid drejtohej nga legjendari Alfredo Di Stefano në atë kohë, ndërsa Alex Ferguson nuk ishte ende Sir.

Lexo po ashtu Don Carlo Ancelotti flet për triumfin në finale, tregon vështirësitë për menaxhimin e top yjeve të skuadrës

Koha e rregullt përfundoi 1-1, por Aberdeen arriti të rrëmbejë fituesin në kohën shtesë. Pas ndeshjes, Di Stefano tha disa fjalë të bukura për kundërshtarin: “Aberdeen ka atë që paratë nuk mund ta blejnë; një shpirt, një frymë ekipi të ndërtuar në një traditë familjare”.

Me siguri Alfredo do të ishte krenar për atë se si duket Real Madridi tani.

Që nga ajo kohë Real Madridi ka fituar në nëntë finale radhazi të Ligës së Kampionëve dhe me plotë meritë është bindshëm skuadra më e trofeshme në këtë garë. /Telegrafi/