Lookman shkatërron i vetëm periudhën magjike të Leverkusenit, Atalanta ngadhënjen në Ligën e Evropës

Atalanta e ka fituar Ligën e Evropës, duke triumfuar 3-0 përballë Bayer Leverkusenit, por edhe duke i shkaktuar humbjen e parë pas 51 ndeshjes në të gjitha garat.

Ndeshja nisi me një tempo të qetë, por që skuadra nga Serie A shpejt i tregoi dhëmbët.

Në minutën e 12-të, Ademola Lookman realizoi për 1-0 nga një asistim i Davide Zappacostas.

Lookman (26’) nuk u ndal me kaq, pasi realizoi edhe të dytin, kur lëshoi një goditje të fuqishme jashtë zonës.

Leverkusen nuk po arrinte të tregonte nga loja e tyre, me dy golat që i tronditën.

Por, merita të mëdha ka edhe mbrojtja e Atalantas, që markonte në çdo hap lojtarët kundërshtarë.

Pjesa e dytë nisi më mirë nga Leverkuseni, që synonte të ngushtonte epërsinë e skuadrës kundërshtare – mirëpo Lookman kishte fjalën kryesore .

𝗛𝗮𝗹𝗳 𝗧𝗶𝗺𝗲 ⏸️

Behind at the break. 😩

45+2′ | 2-0 | #ATAB04 | #Bayer04 #UELfinal #ForOurDream #aCROSSeurope pic.twitter.com/ovR0hSuyA4

— Bayer 04 Leverkusen (@bayer04_en) May 22, 2024

Skuadra gjermane që nuk kishte pësuar disfatë që 51 ndeshje tentonte që me topa të gjatë të thyente mbrojtjen e Atalantas që nga starti i 45 minutave të dytë – mirëpo nuk kishin sukses.

Gian Piero Gasperini u vërejt se kishte studiuar në çdo detaj lojën e Leverkusenit të Xabi Alonsos, për të mos lejuar asnjë befasi.

Skuadra nga Bundesliga vazhdonte të sulmonte nga të gjitha anët – ndërsa Atalanta priste me durim për ndonjë hapësirë në fazën defanzive kundërshtare.

Goal lagi Atlanta, lagi2 Lookman, hattrick coy, shoot yg sangat apa boom, Atlanta 3-0 Leverkusen #UELfinalpic.twitter.com/holXYlz0OV

— Cakwe Anbu 🦊👺🌵 (@YareY4r3Daze) May 22, 2024

Këtë e gjeti sërish Lookman, që kompletoi het-trikun e tij në minutën e 76-të, duke bombarduar sërish portën e Leverkusenit.

Atalanta fitoi Ligën e Evropës me një paraqitje brilante dhe të njëjtën kohë shokuese për Leverkusenin, që shihej si skuadër favorite pas asaj ecurie pa humbje si brenda ashtu edhe jashtë Gjermanisë. /Telegrafi/