“E dinim se do të largohej, do të jemi edhe më të fortë pa Mbappen” – Luis Enrique flet për largimin e yllit francez

Luis Enriques iu desh të jepte përgjigje për Kylian Mbappen, vetëm pak ditë pas eliminimit të Paris Saint-Germainit nga Liga e Kampionëve, pasi ylli francez konfirmoi lamtumirën me klubi parisien.

Si fillim, spanjolli foli për eliminimin nga Liga e Kampionëve dhe gjendje emocionale disi të ngarkuar në ditët e fundit të ekipit.

“Nuk fituam, është e qartë se ishin ditë të vështira. Për shkak të emocioneve të shkaktuara nga ky eliminim, ne nuk e mundëm dot Dortmundin, ishim afër finales”, ka thënë Enrique.

Më pas duke u ndalur te fakti që Kylian Mbappe njoftoi publikisht që në fund të këtij sezoni do të largohet nga PSG-së, trajneri theksoi se asgjë nuk ndryshon për ta dhe sipas tij sezonin e ardhshëm do të jenë edhe më të fortë.

“Ne e dimë këtë prej disa kohësh, nuk ndryshon gjë. Të gjitha vendimet e mia janë marrë në bazë të kësaj gjëje, kemi ende një trofe Championsi për të fituar vitin tjetër, pavarësisht nga lojtarët që kemi në ekip, ne do të jemi më të fortë në sezonin e ardhshëm”.

🔴🔵🇫🇷 Luis Enrique: “We all knew that Kylian Mbappé was gonna leave PSG. No changes, it’s all the same for us. I wish Mbappé all the best”.

“I remain convinced that next season we will be stronger. Mark my words. PSG will be stronger next season”. pic.twitter.com/LApcAdCcB1

— Fabrizio Romano (@FabrizioRomano) May 11, 2024

“Duhet thënë që Mbappe kaloi 7 vite këtu, ai është një legjendë e klubit, po ashtu është e qartë se ai është një lider. I jap 10 si njeri dhe si futbollist”, ka thënë Luis Enrique.

PSG do të tentojë të blejë disa lojtarë për të mbuluar zbrazësitë e largimit të Kylian Mbappes. /Telegrafi/