Sekuestrohen 40 motoçikleta në Pejë nga Policia

Drejtoria Rajonale e Policisë në Pejë ka hartuar planin operativ “Motoçiklistët kundërvajtës”, i cili është realizuar në fundjavë, gjersa bën të ditur se ka sekuestruar 40 motoçikleta të llojeve të ndryshme.  

Në njoftim thuhet në këtë plan, i cili është duke vazhduar edhe në ditët në vijim janë të angazhuar zyrtarë nga tё gjitha njёsitet e DRP Pejё.

Ndërsa për kundërvajtësit janë lëshuar fletёgjoba për kundërvajtjet: mosposedimi i lejes për vozitje, mosposedimi i kategorisë përkatëse, ngasje e mjetit pa regjistrim dhe kundërvajtje tjera.

“Aktivitete dhe detyra të shumta policore, që janë të planifikuara në kuadër të Drejtorisё Rajonale tё Policisë në Pejë, do të vazhdojnë në mënyrë intensive në ditët në vijim, pa asnjë tolerim ndaj secilit kundërvajtës. Krejt kjo në të mirë të rregullimit të komunikacionit, si dhe parandalimit të aksidenteve.

Drejtoria Rajonale e Policisë në Pejë apelon tek të gjithë pjesëmarrësit në komunikacion të respektojnë rregullat dhe shenjat e komunikacionit”, thuhet në njoftim. /Telegrafi/