Holanda ndan 350 milionë euro për Ukrainën – çfarë municione të fuqishme do t’i dhurohen Kievit

Holanda ka ndarë 350 milionë euro për municionet e aeroplanëve luftarakë F-16 dhe dronët e avancuar të zbulimit, të cilët do t’i dhurohen Ukrainës.

Kështu ka deklaruar ministrja holandeze e Mbrojtjes, Kajsa Ollongren sonte në Kiev, ku ajo kishte shkuar për tu “solidarizuar” me ukrainasit.

Ministrja gjithashtu tha “se me 150 milionë euro do të blejmë raketa tokë-ajër që mund të lëshohen nga F-16”, ndërsa pjesa tjetër do të shkojë “për dronët e vëzhgimit”.

I welcomed Dutch Defense Minister @KajsaOllongren, who visited Dnipro and witnessed firsthand the devastation caused by Russian air terror.

We focused on strengthening Ukraine's air defense, providing our defenders with artillery, armored vehicles, and UAVs.

I am grateful to… pic.twitter.com/lYjSTtB88T

— Volodymyr Zelenskyy / Володимир Зеленський (@ZelenskyyUa) March 20, 2024

Danimarka, Holanda dhe SHBA-ja shumë shpejt do t’i dorëzojnë ukrainasve të parin nga dhjetëra aeroplanët F-16.

Ollongren tha se fillimisht danezët do t’ia dhurojnë një aeroplan ukrainasve dhe më pas holandezët, shkruan skynews.

Lexo po ashtu E para për këtë vit, SHBA-ja ndan 400 milionë dollarë ndihmë ushtarake për Ukrainën

“Kam shumë besim se ne do të fillojmë dërgimin e F-16 këtë verë”, tha ajo dhe shto se “pra, në gjysmën e dytë të vitit F-16-të holandezë do të shkojnë në Ukrainë”.

Në total, Holanda ka ndarë mbi 2.63 miliardë euro mbështetje ushtarake për Ukrainën që nga nisja e luftës me Rusinë. Dy miliardë euro të tjera do t’i jepen gjatë këtij viti. /Telegrafi/