I vetëm kundër tifozëve të tij, ky ishte futbollisti i vetëm i Trabzonsporit që i doli në ndihmë Fenerbahces

Teksa tifozët zbritën në fushë pas fundit të ndeshjes Trabzonspor – Fenerbahce, ishte vetëm një futbollist i skuadrës vendase që tentoi t’iu ndal në ndihmë futbollistëve mysafirë.

Pas ndeshjes, të cilën skuadra verdhe-blu e fitoi me rezultatin 3-2, tifozët blu-kaltër kanë zbritur në fushë teksa po godisnin futbollistët mysafirë.

Forcat e sigurisë patën vështirësi në parandalimin e incidenteve mes tifozëve vendas dhe futbollistëve të Fenerbahçes.

Lexo po ashtu Batshuayi në stilin "kung-fu" shqelmon tifozin kundërshtar, bashkëlojtari i tij me grushte një tjetrit

Mbrojtësi i majtë turk i skuadrës vendase, Eren Elmali ishte i vetmi që doli nga zhveshtoret dhe u mundua ta ndalë turmën që synonte të futej edhe në tunelin e stadiumit.

Përpjekjet e futbollistit të Trabzonspor, Eren Elmalı për të mbrojtur futbollistët e Fenerbahçes gjatë ngjarjeve u bënë temë e nxehtë.

Bie në sy fakti se Eren Elmalı u përpoq të mbronte kolegët e tij që po përpiqeshin të shkonin në dhomën e zhveshjes pasi tifozët që zbritën nga tribuna u kthyen drejt lojtarëve të Fenerbahçes dhe tentuan të pengonin tifozët.

Kjo lëvizje e Eren Elmalit u vlerësua nga tifozët e futbollit në rrjetet sociale dhe gjesti i tij po konsiderohet jashtëzakonisht i mirë. /Telegrafi/ 

Eren Elmalı büyük karakter
https://t.co/mgIQG3YwWd

— Mahsun (@bodyEkrems) March 18, 2024

Trabzonspor futbolcusu Eren Elmalı'nın, Fenerbahçeli futbolcuların içeriye girebilmesi için yardım ettiği görüntüler.
pic.twitter.com/hxHMU0XfSO

— DarkWeb Haber (@Darkwebhaber) March 18, 2024