Rama: Mbështes vendimin e Qeverisë së Kosovës lidhur me Manastirin e Deçanit

Kryeministri i Shqipërisë Edi Rama reagoi sot për vendimin e Qeverisë së Kosovës lidhur me Manastirin e Deçanit.

Qeveria e Kosovës i ka kërkuar Agjencisë Kadastrale të Kosovës ta zbatojë vendimin e Gjykatës Kushtetuese të Kosovës të vitit 2016 për tokën e Manastirit të Deçanit.

“E mbështes plotësisht vendimin e Qeverisë së Republikës së Kosovës për zbatimin e vendimit të Gjykatës Kushtetuese lidhur me Manastirin e Deçanit; më mirë vonë se kurrë”, theksoi Rama në platformën X.

“E inkurajoj lidershipin e Kosovës që të vazhdojë të punojë me aleatët tanë të përbashkët për të demonstruar se Republika e Kosovës është me të vërtetë një partner i matur dhe i besueshëm i Komunitetit Euroatlantik”, shtoi Rama.

Lexo po ashtu Escobar: Vendimi i sotëm për Manastirin e Deçanit – i vështirë, por i domosdoshëm

Autoritetet lokale në Deçan kanë refuzuar deri tani që Manastirit të Deçanit t’ia regjistrojnë në kadastër 24 hektarë tokë dhe pyll, sepse konsiderojnë se kjo pronë është e ndërmarrjeve shoqërore “Apiko” dhe “Iliria” dhe se nuk ka qenë kurrë e Manastirit.

Sipas tyre, Gjykata Kushtetuese ka “legalizuar” një vendim të vitit 1997 të ish-presidentit të Republikës Federale të Jugosllavisë, Sllobodan Millosheviç, me të cilin ajo pronë iu dhurua Manastirit të Deçanit. /Telegrafi/

I fully support the better late then ever decision of the Government of the Republic of Kosovo to implement the Constitutional Court decision concerning the Decani Monastery. I encourage Kosovo leadership to continue working with our joint key allies in demonstrating that the…

— Edi Rama (@ediramaal) March 13, 2024