Autoritetet ruse e futin në listën e të kërkuarve vëllain e të ndjerit Alexei Navalny, Oleg

Ministria e Punëve të Brendshme e Rusisë, vendosi përsëri Oleg Navalny në listën e të kërkuarve në lidhje me fillimin e një procedure të re penale kundër tij.

“Navalny Oleg Anatolyevich. Ai është në kërkim për nenin e Kodit Penal”, thuhet, por nuk tregohet se me cilin nen është lëshuar urdhri, transmeton Telegrafi.

Agjencia e zbatimit të ligjit i tha Tass se një procedim i ri penal ka filluar kundër Oleg Navalny, vëllait të opozitarit të ndjerë rus, Alexei Navalny, por ata nuk specifikuan se në cilin nen.

Në vitin 2022, Rusia lëshoi ​​gjithashtu një urdhërarrest për Oleg Navalny për akuza penale. E më pas e ka bërë të ditur Ministria e Brendshme, pa specifikuar më shumë detaje.

Kjo ndodhi një ditë pasi autoritetet ruse të burgut kërkuan nga gjykatat që të ndryshonin dënimin e tij të pezulluar në burg, për shkelje të rregulloreve të coronavirusit. Kjo ndodhi pak më vonë, por në mungesë të tij. Në shtator 2021, Oleg Navalny u largua nga Rusia dhe shkoi në Qipro.

Lexo po ashtu Reagon Kremlini pas pretendimeve se Navalny është helmuar

Më pas gjyqtari në seancë deklaroi se nuk kishte informacione se ai ishte kthyer ndërkohë në vend, ndaj nuk dihej vendndodhja e tij.

Mbështetësit e tij dhe ai pretenduan se dënimi ishte i motivuar politikisht, pasi akuzat kundër tij u ngritën pasi ai mori pjesë në një protestë në Moskë kundër arrestimit të vëllait të tij Alexei.

Oleg Navalny u lirua nga burgu në vitin 2018 pasi kreu tre vjet e gjysmë për një dënim për përvetësim, që kritikët thonë se ishte krijuar për të bërë presion ndaj vëllait të tij Alexei dhe për të mbytur kundërshtarët e regjimit të presidentit Vladimir Putin.

Alexei Navalny, një nga kritikët më të zëshëm të Putinit, vdiq të premten në një burg në rajonin e Arktikut të Rusisë, ku po vuante një dënim 19-vjeçar. /Telegrafi/