Shpërthim i fuqishëm në një fabrikë ruse të municionit, “top i madh i zjarrtë” ngritet në qiell

Një shpërthim i fuqishëm ka ndodhur në fabrikën e municionit Votkinsk, e cila gjendet rreth 50 kilometra nga Izhvesk.

Si pasojë e shpërthimit të fuqishëm, i tërë objekti është përfshirë nga zjarri i madh, transmeton Telegrafi.

Agjencia shtetërore ruse e lajmeve Tass, ka njoftuar se ekipet kujdestare kanë mësuar se shpërthimi ka ndodhur gjatë kohës sa planifikohej të bëheshin disa testime të motorëve të raketave.

“Ishte një ngjarje e planifikuar, e jo rast urgjent”, u tha nga Tass.

Lexo po ashtu Snajperi ukrainas kaloi 11 orë në pritë për të vrarë oficerin rus - që në të shtënën e parë

Përveç produkteve për përdorim civil, fabrika ka prodhuar edhe predha për artileri, përfshirë raketat balistike për sistemet raketore Topol M dhe Iskander.

Fabrika që ka një poligon testimi, në fund të vitit të kaluar, ka arritur të nënshkruaj 19 marrëveshje për prodhimin e komponentëve të armëve bërthamore.

Në rrjetet sociale është shpërndarë videoja, që tregon “topin e madh të zjarrtë” që ngritet në qiell pas shpërthimit të fuqishëm. /Telegrafi/

A big explosion happened near the Russian city of Izhevsk. Close to Izhevsk is the Votkinsk Machine-Building plant that produces both oil and gas, machine tools and military equipment. It is unknown what is on fire exactly but the fire can be seen from afar. pic.twitter.com/4B0MvuF5vl

— NOELREPORTS 🇪🇺 🇺🇦 (@NOELreports) February 7, 2024