Mbreti Charles III është diagnostikuar me një formë kanceri, ka njoftuar Buckingham Palace.
Pallati tha se gjendja u zbulua ndërsa monarku po trajtohej në spital për një prostatë të zgjeruar, shkruajnë mediat e huaja, përcjell Telegrafi.
Këtu është ajo që ne dimë, dhe nuk e dimë, deri më tani – dhe çfarë mund të thotë kjo për ata që e rrethojnë.
Çfarë kanceri ka Mbreti?
Pallati nuk ka specifikuar se çfarë forme të sëmundjes ka Mbreti, por ata kanë thënë se nuk është kanceri i prostatës.
Ata thanë se gjatë procedurës së fundit të monarkut për një zgjerim të prostatës u vu re një “çështje e veçantë shqetësuese”.
Testet e mëtejshme diagnostike kanë identifikuar “një formë kanceri”.
Detajet e llojit të testit nuk janë bërë të ditura, por testet diagnostike për kancerin mund të përfshijnë teste gjaku, skanime dhe biopsi.
Një biopsi është një procedurë mjekësore që përfshin marrjen e një kampioni të vogël në mënyrë që të mund të ekzaminohet nën një mikroskop për të identifikuar nëse ka qeliza jonormale të pranishme.
“Nuk po jepen detaje të mëtejshme në këtë fazë, por Madhëria e Tij po merr kujdesin e ekspertëve dhe pret që të kthehet në detyrën e plotë publike sa më shpejt të jetë e mundur”, ka thënë një zëdhënës i pallatit, përcjell Telegrafi.
Si po trajtohet ai?
Mbreti u kthye nga Sandringham në Londër të hënën për të filluar trajtimin e tij, por që nuk do të duhet të qëndrojë në spital.
“Ai mbetet në shtëpi në Londër këtë mbrëmje”, tha pallati të hënën mbrëma.
Nuk është e qartë nëse ai do të trajtohet nga institucionet shëndetësore shtetërore apo do të marrë kujdes shëndetësor privat.
Monarku ka filluar një orar trajtimesh të rregullta dhe thuhet se po merr kujdes mjekësor të ekspertëve nga një ekip specialistësh.
Kjo mund të përfshijë kimioterapinë, radioterapi, ose me barna që gjejnë dhe sulmojnë qelizat e kancerit.
Si do të ndikojë diagnoza në punën e Mbretit?
Ndërsa Mbreti merr trajtim, kuptohet se ai do të vazhdojë të përpunojë dokumentet shtetërore dhe të mbajë audiencën e tij javore me kryeministrin, përcjell Telegrafi.
Megjithatë, pallati ka konfirmuar se “një numër” i angazhimeve të ardhshme publike do të riorganizohen ose shtyhen.
Ai është këshilluar nga mjekët që të shtyjë çdo plan për t’u përballur me publikun.
Mësohet se detajet se si do të zhvillohen detyrat e tij ende nuk janë konfirmuar.
Roli i Mbretit në zgjedhjet e përgjithshme do të jetë gjithashtu një çështje tjetër, pasi Rishi Sunak ka lënë të kuptohet se do ta dërgojë vendin në zgjedhje në gjysmën e dytë të këtij viti.
Monarku shpërndan Parlamentin përpara zgjedhjeve të përgjithshme.
Çfarë mund të thotë kjo për anëtarët e tjerë mbretërorë – përfshirë Princin William dhe Princin Harry?
Është e mundur që anëtarët e tjerë që punojnë në Familjen Mbretërore mund të marrin detyra shtesë në emër të Mbretit, duke përfshirë Princin William.
Princi aktualisht po ndihmon Princeshën e Uellsit të shërohet nga operacioni i saj, por mund të marrë më shumë punë pasi të kthehet në detyrën e plotë publike.
Kuptohet se Mbreti u tha personalisht të gjithë vëllezërve e motrave dhe fëmijëve të tij se kishte kancer, dhe Harry tashmë ka konfirmuar se do të shkojë në Mbretërinë e Bashkuar në ditët në vijim.
Mbretëresha pritet të mbështesë Mbretin gjatë gjithë trajtimit të tij së bashku me programin e saj të plotë të detyrave. /Telegrafi/
Promo
Reklamo këtuLufta Prigozhin - Putin
Më shumëPublikohen pamjet e momentit të atentatit ndaj kryeministrit sllovak
Njeriu që kreu atentatin ndaj Robert Ficos dyshohet se është shkrimtari i famshëm sllovak
Atentati ndaj kryeministrit sllovak – momenti kur ai i plagosur futet në makinë dhe i arrestimit të të dyshuarit
Kryeministri sllovak është në gjendje të rëndë shëndetësore pas atentatit ndaj tij
Atentat ndaj kryeministrit të Sllovakisë, Robert Fico
Ekipi i Robert Ficos lajmërohet në Facebook - ata japin informacione të reja për kryeministrin sllovak
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3