Paqe në derbin e Madridit: Atletico ia rrëmben një pikë fare në fund Realit

Real Madridi ka barazuar 1-1 me Atletico Madridin në kuadër të javës së 23-të në La Liga.

Pas 20 minutash lojë, Brahim Diaz kaloi Los Blancos në epërsi, duke elektrizuar atmosferën në “Santiago Bernabeu”.

Dy skuadrat kishin më pas raste të tjera shënimi, por që nuk ia arritën t’i konkretizonin ato.

2️⃣ ¡VAMOS CON LA SEGUNDA PARTE!
▶️ @RealMadrid 1-0 @Atleti
🟣 𝙈𝙄𝙉𝙐𝙏𝙊 𝘼 𝙈𝙄𝙉𝙐𝙏𝙊 👉 https://t.co/jf8ST3gscK#RealMadridAtleti pic.twitter.com/U2G7PN0DRD

— Real Madrid C.F. (@realmadrid) February 4, 2024

Në 45 minutat e dytë ishte një lojë më e ashpër nga të dyja palët, por edhe disa raste të shpërdoruara, ndërsa një fund dramatik.

Atletico Madridi ia doli të shënonte në minutën e 48-të nëpërmjet Stefan Savic, por që VAR-i e anuloi për pozicion jashtë loje.

49’ ⏱ | Real Madrid 1⃣-0⃣ Atleti

El gol de Savić es anulado por fuera de juego de Saúl.

• #RealMadridAtleti •

— Atlético de Madrid (@Atleti) February 4, 2024

Jude Bellingham kërkoi dy herë penallti (60’ dhe 66’) por gjyqtari sinjalizoi se loja duhej vazhduar.

Një rast ideal për gol e lëshoi edhe Antoine Griezmann në minutën e 77-të, kur Lunin bëri një pritje fantastike.

Por, fundi i ndeshjes ishte edhe më dramatik, pasi Marco Llorente i barazoi shifrat në 1-1 me një asistim të Memphis Depayt në minutën e 90+3-të.

Pas javës së 23-të, Real Madridi ka arkëtuar 58 pikë, dy më shumë se Girona në vendin e dytë, ndërsa në xhiron e 24-të përballen pikërisht me këta të fundit. /Telegrafi/