A është vërtet i interesuar Arsenali për nënshkrimin e Benzemas?

 Fabrizio Romano ka raportuar edhe njëherë rreth interesimit të Arsenalit për të nënshkruar me Karim Benzema këtë janar.

Sulmuesi 36 vjeçar po kërkon të largohet nga skuadra e Ligës Pro Saudite, Al Ittihad, pavarësisht se u bashkua vetëm shtatë muaj më parë.

Mikel Arteta ka nevojë të dëshpëruar për një sulmues të ri dhe Benzema është lidhur me Topçinjtë. Megjithatë, sipas Romanod, nuk ka shumë të vërteta në ato thashetheme.

Lexo po ashtu Al Ittihad merr vendim për të ardhmen e Benzemas

Gazetari tha në kanalin e tij: “Në 48 orët e fundit kam marrë shumë pyetje nga tifozët e Arsenalit që pyesin për Karim Benzeman dhe Arsenalin”.

“Nga ajo që po dëgjoj, sërish sot, nuk ka asgjë mes Karim Benzemës dhe Arsenalit. Nëse diçka do të ndryshojë në ditët në vijim, nëse Arsenali do të vendosë të nënshkruajë me Benzeman, do të jem më se i lumtur t’ju njoftoj”.

“Por që nga sot, Arsenali nuk po punon për një marrëveshje për të nënshkruar me Karim Benzeman, thjesht nuk është e vërtetë”.

“Ky është realiteti, nuk dua t’ju shes ëndrra. E di që emri i Benzemas po emocionon shumë tifozë në mbarë botën, por që nga ajo që po dëgjoj sot, Arsenali nuk po punon për këtë marrëveshje”, ka shtuar më tej ai.

Edhe pse Arsenali mund të përdorë vërtet një sulmues të ri, nënshkrimi i një 36-vjeçari pa përvojë në Ligën Premier nuk tingëllon i mençur. /Telegrafi/