“Dua ta falënderoj për atë që po bën” – Ancelotti zbulon nëse ai ka folur me Vinicius pas ndeshjes së dobët kundër Atletico Madridit

Pas paraqitjes së tij heroike kundër Barcelonës në finalen e Superkupës së Spanjës, Vinicius u kthye në atë që është këtë sezon.

Kundër Atletico Madridit, ai debatonte shpesh me zyrtarët dhe ankohej për disa vendime, duke shfaqur cilësitë e tij më të këqija si lojtar.

Ancelotti ishte gjithashtu i pakënaqur me qëndrimin e brazilianit në disa episode të përballjes së fundit të Copa del Rey, por në konferencën e sotme për shtyp, italiani ka thënë se ka biseduar të martën me lojtarin, jo pas ndeshjes me Atletico Madridin.

“Hera e fundit që folëm një për një [me Vinicius Junior ] ishte të martën, pas Superkupës në të cilën ai shënoi një het-trik”.

Ancelotti: "Did I speak to Vinícius? The last time we spoke 1 on 1 was on Tuesday, after the Super Cup, in which he scored a hattrick."

I thanked Vinícius for his hattrick against Barcelona and I want to thank him for what he is trying to do pic.twitter.com/H35dWopkU4

— Taiwo Savage (@savageoflagos) January 20, 2024

“E falënderova për het-trikun dhe dua ta falënderoj për atë që po përpiqet të bëjë. Tashmë ia kam thënë gjërat që duhet të përmirësojë”, ka thënë Carlo Ancelotti për mediat. /Telegrafi/