Ylli i humbur i Arsenalit: Çfarë ndodhi me Marquinhos?

Marquinhos, një futbollist brazilian 20-vjeçar me të cilin Arsenali nënshkroi në verën e vitit 2022 për të përforcuar sulmin e tyre, do të duhet të rimendojë të ardhmen e tij pasi Nantes në Ligue 1 përjashtoi mundësinë e vazhdimit të huazimit nga Topçinjtë.

Arsenali i pagoi 3.5 milionë euro Sao Paulos për Marcus Vinicius Oliveira Alencar kur ishte 19 vjeç dhe ishte një nga premtimet e mëdha të futbollit brazilian, pasi ishte kandidat për Golden Boy 2022.

Sezonin e kaluar sulmuesi brazilian, i cili në gjashtë paraqitjet e tij për Arsenalin befasoi Mikel Artetën me shpejtësinë dhe vetëbesimin e tij dhe shënoi një gol në Ligën e Evropës, u huazua në sezonin pranveror te Norwich City.

Aty luajti 11 ndeshje për në Championship, por pa lënë shumë gjurmë

Përvoja e keqe e Marquinhos në Nantes

Marquinhos, i cili nënshkroi për 5 sezone dhe përfundon kontratën e tij në 2027 me Arsenalin, ka pasur një përvojë të keqe në Nantes.

Ai ka marrë pjesë në vetëm 7 ndeshje (një si titullar dhe duke luajtur vetëm 149 minuta), në të cilat ai mezi mundi të kontribuonte me një asistim.

Dëshira e Marquinhos është për të luajtur në turneun para-olimpik të Amerikës së Jugut që zhvillohet nga 20 janari deri më 11 shkurt, gjë që Nantes e kundërshton dhe mungesa e minutave ka nxitur largimin e tij nga klubi francez.

Duket e pamundur që me Bukayo Saka, Gabriel Martinelli, Leandro Trossard dhe Kai Havertz në listë, Arsenali do të vendosë të inkorporojë në ekip talentin brazilian që e zgjodhi për ta transferuar në vitin 2022. /Telegrafi/