Anija e Forcave Detare të Shteteve të Bashkuara Trenton mbërriti në Durrës

Anija e Forcave Detare të Shteteve të Bashkuara Trenton (T-EPF 5) mbërriti në Durrës këtë javë për një vizitë të planifikuar në port.

Vizita në portin e Durrësit nxjerr në pah fuqinë e partneritetit mes Shteteve të Bashkuara dhe Shqipërisë në fushën e mbrojtjes, teksa dy vendet tona punojnë së bashku për një Evropë të qëndrueshme, të sigurt dhe të begatë, njofton Ambasada Amerikane.

Detarët dhe marinarët civilë në bordin e Trenton presin me kënaqësi të përjetojnë kulturën e Shqipërisë, pamjet historike dhe mikpritjen e ngrohtë të aleatit tonë në NATO.

“Kjo vizitë vazhdon të afirmojë vlerat e përbashkëta dhe partneritetin midis SHBA-së dhe Shqipërisë, ndërsa ne punojmë së bashku për të garantuar sigurinë dhe stabilitetin në Evropë dhe Detin Mesdhe”, tha komandant Damon Bateson, oficer përgjegjës i detashmentit ushtarak të Trentonit. “Ekuipazhi dhe unë jemi të emocionuar të vizitojmë Durrësin dhe të kalojmë pak kohë në këtë qytet historik portual shqiptar”, tha ai.

Shqipëria u bashkua me NATO-n në vitin 2009 dhe në vitet që pasuan forcoi partneritetin e saj nëpërmjet pjesëmarrjes në stërvitjet e përbashkëta në detin Adriatik. Shqipëria priti për herë të fundit një anije detare në korrik 2023 kur USS Ramage (DDG 61) mbërriti për një vizitë të planifikuar në port. /Telegrafi/