Mesazhi me tri fjalë i Jurgen Klopp për Mikel Artetan pas barazimit në Anfield

Liverpooli dhe Arsenali zhvilluan një përballje tejet të zjarrtë pasditen e së shtunës, por që përfundoi 1-1 në Anfield.

Gabriel Magalhaes i vendosi Topçinjtë në avantazh pas vetëm katër minutash, por ylli i The Reds, Mohamed Salah i barazoi shifrat në 1-1 kur kaloi gjysmë ore lojë.

Kështu mbetën gjërat në Anfield, që do të thotë se Arsenali mbetet një pikë përpara Liverpoolit të vendit të dytë në krye të Ligës Premier.

Lexo po ashtu Jurgen Klopp “lëndon” lojtarin e tij ndaj Arsenalit, ai u detyrua të largohej nga loja

Megjithatë, gjërat mund të kishin shkuar ndryshe, pasi Liverpoolit iu mohua në mënyrë kontroverse një penallti në pjesën e parë.

Topi goditi në dorë kapitenin Martin Odegaard brenda zonës, ndërsa ai rrëshqiti, por arbitri Chris Kavanagh nuk e tregoi në pikë e bardhë.

Incidenti shkoi në VAR, por vendimi fillestar në fushë qëndroi, për zhgënjimin e madh të tifozëve të Liverpoolit, dhe mbrojtësi i Topçinjve, William Saliba pranoi se duhej të kishte qenë një penallti.

Lexo po ashtu Klopp me kritika të ashpra në drejtim të VAR-it, pretendon se Liverpoolit iu mohua një penallti

Pavarësisht mungesës së asaj që duhej të ishte një goditje e pastër, trajneri Jurgen Klopp kishte shumë kompliment për Arsenalin pas takimit.

Duke folur për BBC Sport, Klopp tha: “O zot, sa të fortë janë ata? Lajmi i mirë është se edhe ne jemi të mirë”.

“Manchester City është gjithashtu një ekip shumë i mirë, por Arsenali do të jetë atje lart, ne shpresojmë të jemi atje lart”.

Lexo po ashtu Liverpool rrezikon të mbetet pa shërbimet e Salah për tetë ndeshje

“Arsenali është me të vërtetë i jashtëzakonshëm, por për ato 20 minuta që i patëm i shkatërruam pak. Ne ndjemë se ata ishin të lëkundur dhe ne duhet ta kishim përdorur këtë.

“Asnjëra palë nuk u dorëzua. Deri në sekondën e fundit ishte me intensitet të lartë, të gjithë e ndjenë, super intensiv. Lojë e vështirë, lojë e mirë, në momente spektakolare”, shtoi gjermani.

Dhe menjëherë pas fishkëllimës së plotë, ndërsa Klopp dhe Mikel Arteta u përqafuan, trajneri i Liverpoolit thjesht i tha ‘uau, uau, uau’ homologut të tij të Topçinjve teksa reflektonte mbi derbin. /Telegrafi/