Pejë- Në seancën e së martës ndaj të akuzuarit Shaban Gogaj, për vrasjen e tani të ndjerit Agonis Tetaj, tre zyrtarët policorë, në cilësi të dëshmitarëve, Agron Hasani, Ymer Hylaj dhe Petrit Mazreku, qëndruan pranë deklaratave të mëhershme të dhëna në shqyrtimin e parë gjyqësor.
Shaban Gogaj akuzohet se më 23 shtator 2018, në Deçan, në rrugën “Luan Haradinaj”, përkatësisht në kompaninë “Gogaj AG”, me dashje e privon nga jeta Agonis Tetajn dhe me këtë ka vënë në rrezik edhe jetën e të dëmtuarve A.H dhe F.Z., Kurse, Isuf Cacaj akuzohet për armëmbajtje pa leje.
Në seacën e së martës, dëshmitari Agron Hasani, tani zëvendësdrejtor Rajonal në Stacionin Policor të Pejës, qëndroi pranë deklaratës së dhënë më 28 qershor 2021, duke thënë se nuk ka asgjë për të shtuar.
Ai vetëm tha se kishte qenë prezent në vendin e ngjarjes por nuk kishte përpiluar raport, sepse nuk është praktikë ngase këtë e ka përgjegjësi hetuesi dhe pjesa tjetër forenzikës.
Dëshmitari Hasani, tha se mendon që ishte dashur të dëgjohen kryetari i atëhershëm i Komunës dhe komandanti i stacionit policor në Deçan, pasi sipas tij kishin dhënë deklarata publike në atë kohë duke thënë se vrasja kishte qenë aksidentale.
Edhe dëshmitari tjetër, Ymer Hylaj qëndroi pranë deklaratave të dhëna në shqyrtimin e parë, si hetues në vendin e ngjarjes ku kishte përpiluar raport, për të cilin tha se secili veprim që ndërmerret hetuesi bën raport dhe çdo veprim i bërë dhe deklaratë e dhënë do të ishte në koordinim me prokurorin, raporton betimiperdrejtesi.
Gjithashtu dëshmitari i tretë Petrit Mazreku, zyrtar policor në Deçan, qëndroi tërësisht pranë deklaratës së dhënë në shqyrtimin e parë gjyqësor. Ai tha se në ditën kritike ka qenë në vendin e ngjarjes, ku kanë përpiluar raportin e përbashkët, deklarata e tij tha se ka qenë në sinqertitetin më të madh, pa presion dhe pa ndikim të askujt.
Ndryshe, më 14 tetor 2022, Gjykata Themelore në Pejë kishte shpallur aktgjykim dënues ndaj të akuzuarit Shaban Gogaj, duke e dënuar me 7 vite e 6 muaj burgim për vrasje nga pakujdesia të Agonis Tetajt.
Gjykata e Apelit më 23 mars 2023 kishte shqyrtuar ankesat e mbrojtësit të Gogajt, avokatit Besnik Berisha, palës së dëmtuar, avokatit Berat Tmava dhe ankesën e Prokurorisë Themelore në Gjilan. Kurse, pas shqyrtimit të ankesave, Apeli më 23 mars 2023 e ka kthyer lëndën në rigjykim.
Sipas aktakuzës së ngritur nga Prokuroria Themelore në Pejë, më 12 qershor 2019, Shaban Gogaj akuzohet se më 23 shtator 2018, rreth orës 11:04, në Deçan, në rrugën “Luan Haradinaj”, përkatësisht në kompaninë “Gogaj AG”, me dashje e privon nga jeta Agonis Tetajn dhe me këtë ka vënë në rrezik edhe jetën e të dëmtuarve A.H dhe F.Z. Në këtë rast, për armëmbajtje pa leje akuzohet edhe Isuf Cacaj, ku sipas aktakuzës, në dyqanin “Gogaj AG”, ka mbajt në pronësi armën, e gjetur nga policia në sirtarët nën banakun e arkës.
Promo
Reklamo këtuLufta Prigozhin - Putin
Më shumë“Mysafiri i paftuar në Galatsi”: Mes kritikash dhe akuzash, si u pasqyrua vizita e Ramës në Athinë nga mediat greke
Çka bën Zyra e Kinës në Prishtinë?
Komuna mbyll stacionet e autobusëve, qytetarët dhe ekspertët janë kundër
Mbushet stadiumi në Greqi me shqiptarë, Rama: Jeni bota
Një muaj paraburgim për serbin që mori pjesë në protestat në Zveçan ku u lënduan ushtarët e KFOR-it e policisë
Iu bashkuan edhe 300 anëtarë, Kurti: Po kthehemi, Prizreni po e forcon lidhjen me Vetëvendosjen
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron