U zhvillua ditën e sotme mbledhja e Këshillit për Rregulloren, Mandatet dhe Imunitetin që shqyrtoi sot kërkesën e Prokurorisë së Posaçme (SPAK) për dhënien e autorizimit për arrestimin e ish-Kryeministrit Sali Berisha.
Me 6 vota pro, asnjë kundër dhe asnjë abstenim, Këshilli i Mandateve ka pranuar kërkesën e SPAK për dhënien e autorizimit për arrestimin e ish-Kryeministrit Sali Berisha.
Kuvendi do të vendosë në seancën plenare të 21 Dhjetorit për heqjen e imunitetit të ish-kryeministrit Berisha.
Të pranishëm ishin kryetarja e Këshillit, kryeparlamentarja Lindita Nikolla, deputetët e PS-së, Ermonela Felaj, Klotilda Bushka, Bledi Çuçi dhe Arben Pëllumbi dhe nga opozita deputeti Enkelejd Alibeaj. Aty munguan deputetët e tjerë të PD-së që kanë mbështetur Sali Berishën në parlament, Gazment Bardhi, Greta Bardeli, Ervin Salianji dhe Saimir Korreshi.
Të pranishëm ishin edhe prokurorët e SPAK që kanë në hetim çështjen, Arben Kraja dhe Enkeleda Millonai.
Ish-kryeministri Berisha në një deklaratë për mediat para mbledhjes tha se nuk mund ta pranonte të ishte aty pasi poshtërohet Kuvendi. Ai përfaqësohet nga avokatët e tij, Genc Gjokutaj dhe Sokol Mëngjesi.
Këshilli rrëzoi kërkesën e avokatëve të Berishës për të pezulluar seancën deri në shprehjen e Gjykatës Kushtetuese.
Prokurori Arben Kraja tha se kërkesa e SPAK për autorizim për arrestimin e Berishës vjen pasi ky i fundit nuk u paraqit sipas vendimit të gjykatës para OPGJ-së. Ai u shpreh se në hetimin ndaj Berishës nuk ka asnjë veprim politik./Tv Klan
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251