Shiten 100 mijë fanella të Harry Kane, Bayerni e nxjerr pagën për një vit të sulmuesit anglez

Kanë mbetur edhe pak fanella për tu shitur që Bayern Munich të arrijë shifrën e 100 mijë fanellave të shitura të Harry Kane.

Kampioni në fuqi i Gjermanisë do të arrijë shifrën e  100 mijë fanellave të shitura me emrin Harry Kane para Krishtlindjeve. Por sa mund të fitojë vërtet FC Bayern nga këto shitje fanellash?

Klubi shiti pothuajse 50,000 fanella të Kane brenda një jave nga nënshkrimi i lojtarit. Vetëm ditën e parë u shitën 15,000 fanella duke gjeneruar gati një milion milionë euro.

Lexo po ashtu Kane bëhet me shtëpi në Munich, por qëndrimi në hotel për katër muaj i kushtoi mbi një milionë euro

Sipas Uli Hoenes, presidenti nderi i klubit, karizma e Kane mund ta ndihmojë klubin të rikuperojë shumë para.

Sa fitoi FC Bayern Munich nga shitja e fanellave deri më tani?

Bayern shpreson për një fitim të madh në shitjet e fanellave të Harry Kane, me fanellën e sulmuesit që është më e blera nga çdo lojtar në formacionin e Bayernit që nga gushti.

Siç raportohet nga One Football , në përfundim të sezonit, Kane pritet të thyejë rekordin e mëparshëm për numrin më të madh të shitjeve të fanellave të Bayern Munichut në një sezon të tërë, duke gjeneruar rreth 11.5 milionë euro në shitje.

Me këtë shumë do të thotë se Bayerni do ta paguajë pagën vjetore të sulmuesit anglez vetëm me fanellat e shitura të tij.

Një arsye e madhe për popullaritetin e fanellës së Harry Kane në mesin e tifozëve është paraqitja e shkëlqyer e tij për ekipin.

Ai thyen rekorde majtas dhe djathtas dhe ka statistika të mahnitshme për ekipin. Anglezi shënoi 22 gola dhe bëri 7 asistime në 18 paraqitje për Bayernin. /Telegrafi/