“Liridonën e ka karakterizuar një mirësi, butësi dhe një buzëqeshje fantastike”.
Kështu e përshkruan Liridona Ademajn, avokatja në Suedi, Saranda Iseni, në një linjë të drejtpërdrejtë në RTV Dukagjini.
Ajo ka treguar se lajmi për vrasjen e Liridonës, mori hov në pothuajse të gjitha mediat më të mëdha në Suedi.
“Është një humbje shumë e madhe, e kemi përjetuar shumë rëndë sikurse të gjithë të tjerët dhe normalisht edhe shteti suedez dhe njerëzit që e kanë njohur Liridonën e kanë përjetuar rëndë. Unë jam një nga ato që e kam njohur nga afër. Ajo ka qenë një femër e zgjuar, por mbi të gjitha e ka karakterizuar një mirësi, butësi dhe një buzëqeshje fantastike”, tha ajo.
Ajo ka thënë se shteti suedez është i obliguar që të përcjellë dhe të bëjë një hetim për atë se çfarë ndodhi të mërkurën e 29 nëntorit, në Kosovë.
“Të gjitha mediat kryesore e kanë paraqitur këtë lajm, është përhapur në të gjitha rrjetet sociale, por mbi të gjitha ato më të mëdha shtetërore ose private e publike. Informatat që janë publikuar ose artikujt që janë publikuar janë më shumë me të dhëna nga mediat shqiptare meqë rasti ka ndodhur në Kosovë por njëkohësisht është shprehur një dhimbje e madhe sepse ajo është një nënshtetase suedeze dhe kjo ngjarje përveç procedurës ligjore që është duke u zhvilluar në Kosovë njëkohësisht do të bëhet edhe një procedurë ligjore në Suedi. Për momentin nuk kemi ndonjë informatë të saktë. Është i obliguar shteti për të përcjellur dhe për të bërë një hetim se çfarë ka ndodhur”, shtoi ajo.
Avokatja Iseni, teksa tregoi se çiftin e kishte takuar dy herë, thotë se të njëjtit ishin shumë të dashur me njëri-tjetrin.
“E kam takuar dy herë dhe ka qenë gjatë aktiviteteve kulturore, atë që kam parë ka qenë me të vërtetë një çift shumë i lumtur dhe shumë të dashur ndaj njëri-tjetrit”, u shpreh ajo.
Nga Prishtina Ticket
Nga Qumështorja Vita
Nga Creative Hub Kosovo
Nga Telegrafi Jobs
