Joao Mario refuzoi të merrte me vete topin me të cilin shënoi het-trik ndaj Interit

Joao Mario ka shënuar het-trik brenda 34 minutave ndaj ish-klubit të tij Inter, por nuk ka dashur të marrë me vete topin e Ligës së Kampionëve pasi Benfica nuk arriti të menaxhojë epërsinë prej tre golave të shënuar.

30-vjeçari po kalonte një nga netët më të mira të karrierës së tij, teksa ekipi i Roger Schmidt kishte një avantazh prej tre golave ndaj Interit në mbrëmjen e së mërkurës.

Mario, i cili shpenzoi pesë vite me fanellën e klubit italian midis viteve 2016 dhe 2021, kishte shënuar në minutën e pestë, në minutën e 13-të dhe në minutën e 34-të respektivisht.

Por, golat e shënuar në pjesën e dytë nga Marko Arnautovic, Davide Frattesi dhe Alexis Sanchez, kompletuan rikthimin ‘dramatik’ të zikaltërve duke lënë të shtangur tifozët në “Estadio da Luz”.

Lexo po ashtu Milito: Lautaro është një lojtar i nivelit të lartë, ai ka ende shumë për të dhënë

Pas fishkëllimës së fundit të gjyqtarit, njëri nga bashkëlojtarët e Marios ia dha atij topin pas het-trikut të shënuar, por ky i fundit e hodhi atë tutje për shkak të kapitullimit të ekipit të tij.

João Mário gave up his first-half hat-trick ball after his Benfica side surrendered a 3-0 lead against Inter 😤#UCL pic.twitter.com/VYumtbw35P

— Football on TNT Sports (@footballontnt) November 30, 2023

Pas ndeshjes trajneri i Benficas, Roger Schmidt ka kritikuar gjyqtarët në konferencën për shtyp.

“Fatkeqësisht, performanca e ekipit të gjyqtarëve… jam i tmerruar. Është e pabesueshme që kjo po ndodh në Ligën e Kampionëve”, ka thënë Schmidt.

“Nëse na duhej ndonjë evidencë se gjyqtarët nuk po tregojnë rezultate të mira në fushë, atëherë sot ne e pamë këtë. Ishin gjashtë persona të përfshirë në të gjitha vendimet”, shtoi ai.

Si rezultat i këtij barazimi, Benfica është eliminuar nga Liga e Kampionëve por ata mund të sigurojnë pjesëmarrjen në Ligën e Evropës.

“Natyrisht është e vështirë, sepse ne e dimë sepse nuk duhet vetëm të fitojmë”, është shprehur Schmidt.

Benficas i duhet një fitore të paktën me dy gola epërsi për të siguruar kalimin në Ligën e Evropës.

“Është shumë e vështirë tek Salzburgu, por është puna jonë. Është shumë e vështirë të luash atje pa tifozë, por ne nuk duhet të ankohemi. E kemi një situatë të qartë. Ne duhet të jemi gati për këtë ndeshje dhe do të bëjmë më të mirën për të arritur Ligën e Evropës”, përfundoi ai./Telegrafi/