Samiti i OSBE-së në Shkup ngjarja më e madhe politiko-diplomatike në Maqedoninë e Veriut, do të mbyllen disa rrugë
Maqedonia e Veriut do të jetë nikoqire e Këshillit të 30-të ministror të Organizatës për Siguri dhe Bashkëpunim në Evropë – OSBE, i cili nga sot deri më 1 dhjetor do të mbahet në Shkup, ku pritet të marrin pjesë rreth 1000 delegatë.
76 delegacione nga 57 shtete anëtare dhe shtete partnere të Organizatës do të marrin pjesë në ngjarjen më të madhe politiko-diplomatike që është zhvilluar në Maqedoni që nga pavarësia, përcjell Telegrafi Maqedoni.
Takimi do të shënojë praninë e diplomatëve të parë të Shteteve të Bashkuara dhe Federatës Ruse, Anthony Blinken dhe Sergei Lavrov, duke e bërë atë një nga ngjarjet e pakta që do t’i gjejë të dy në të njëjtin vend që nga fillimi i pushtimit rus në Ukrainë, në shkurt 2022. Edhe pse aktualisht nuk ka asnjë njoftim për një takim mes Blinken dhe Lavrov, analistët nuk përjashtojnë mundësinë e bisedimeve për një zgjidhje të mundshme të konfliktit në Ukrainë.
Sekretari amerikan i Shtetit Anthony Blinken do të vijë sot në Shkup, i cili pjesëmarrjen e OSBE-së do ta fillojë me një takim bilateral me ministrin e Punëve të Jashtme dhe kryesuesin e OSBE-së Bujar Osmani.
Me ardhjen e kreut të diplomacisë së Federatës Ruse Lavrov, Maqedonia e Veriut dhe Bullgaria pezulluan përkohësisht sanksionet e vendosura nga BE për fluturimet e avionëve rusë për shkak të agresionit rus kundër Ukrainës.
Pasi u konfirmua prania e Lavrov, ministrat e jashtëm të Ukrainës, Dmitri Kuleba dhe të vendeve baltike – Estonisë, Letonisë dhe Lituanisë vendosën të bojkotojnë forumin.
Në mbledhjen ministrore priten vendimet për zgjedhjen e kryetarit për vitin 2024, për të cilin në mbledhjen përgatitore të ambasadorëve të 57 vendeve anëtare të kësaj jave në Vjenë, u arrit konsensusi që ajo të jetë Malta.
Këshilli i Ministrave do ta nisë sonte me një darkë joformale në të cilën do të marrin pjesë disa nga krerët e diplomacisë së shteteve pjesëmarrëse të OSBE-së. Forumi zyrtarisht do të hapet nesër në Qendrën sportive “Boris Trajkovski”, e cila është ripërdorur dhe përgatitur për takimin ministror.
Për shkak të mbajtjes së mbledhjes ministrore, Qeveria sot vendosi që orari i punës për të gjithë të punësuarit në administratën shtetërore dhe publike në territorin e qytetit të Shkupit të përfundojë në ora 12:00 dhe nesër të jetë ditë jo pune për të gjithë punonjësit në administratën shtetërore dhe publike, si dhe për shkollat bazë dhe të mesme në zonën e kryeqytetit. Njëkohësisht do të mbyllen për qarkullim një pjesë e rrugëve nëpër qytet nëpër të cilat do të kalojnë delegacionet e huaja.
Duke filluar nga ora 13:00 e ditës së sotme deri në përfundim të Këshillit të Ministrave, disa rrugë do të mbyllen herë pas here për qarkullim, si bulevardi “Ilinden” nga kryqëzimi me rrugën “Klimenti i Ohrit” deri te kryqëzimi me rrugën “Ljubljanska” dhe “8 Shtatori”, nga kryqëzimi me rrugën “Skupi” deri te kryqëzimi me bulevardin “Partizanski Oshdi”.
Nga MPB thonë se në varësi të nevojave mund të mbyllen edhe rrugë tjera dhe apelojnë qytetarët që të kenë durim dhe të respektojnë urdhrat e punonjësve të policisë./Telegrafi/
Promo
Reklamo këtuLufta Prigozhin - Putin
Më shumëKurti i ftoi në një darkë pune për të hënën, a do t'i shkojnë në takim krerët e PDK-së, LDK-së e AAK-së?
Implantet dentare a janë zgjidhje e përhershme për rregullimin e dhëmbëve – flet stomatologu Hoxha
Hoti: Kurti po kërkon koordinim me opozitën për agjendën e Kuvendit, por sjellja e tij dhe e grupit parlamentar ka cenuar demokracinë
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
“Ne ishim të gatshëm ta japim jetën për ta mbrojtur Kosovën”, presidentja Osmani përcjell mesazhin e ushtarëve amerikanë të Gardës Kombëtare të Teksasit
Serbët e veriut: Ata që duan të jetojnë këtu duhet ta kenë patentë-shoferin e Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë