UEFA konsideron të ftojë Al Nassr të Ronaldos në Ligën e Kampionëve sezonin e ardhshëm

UEFA po konsideron të ftojë klubin ku luan Cristiano Ronaldo, Al Nassr, në Ligën e Kampionëve sezonin e ardhshëm, kanë pohuar raportet nga Arabia Saudite.

Javën e kaluar, Ronaldo shënoi golin e tij të 13-të të sezonit në Superligën Saudite, pasi Al Nassr mposhti Al Ëehda 3-1 për t’u afruar me katër pikë ndaj kryesuesit të tabelës Al Hilal.

Ndërsa pesë herë fituesi i Topit të Artë ka qenë në formë elektrike këtë sezon, performancat e tij kanë qenë larg shkëlqimit të një kontigjenti të madh mbështetësish evropianë.

Megjithatë, mund të mos jetë kështu për një kohë të gjatë. Sipas gazetarit saudit AlHarbi44, UEFA po konsideron të ftojë Al Nassr në edicionin 2024/2025 të Ligës së Kampionëve.

خبر :

الاتحاد الأوروبي ينوي تقديم دعوة إلى نادي النصر السعودي للمُشاركة في بطولة دوري أبطال أوروبا 2024م “كونه أحد أشهر ثلاث أندية في كُرة القدم” ولما يملكه النصر من شعبية عظيمة وكبيرة في القارة الأوروبية . pic.twitter.com/XaxOX6sa6K

— علي الحربي (@alharbi_44) November 12, 2023

Sipas gazetarit, arsyetimi për këtë është se Al Nassr konsiderohet ndër “tre klubet më të famshme në botë” dhe ka “popullaritet të madh” në mesin e tifozëve evropianë.

Në të vërtetë, Ronaldo është padyshim lojtari më mbresëlënës në historinë e Ligës së Kampionëve dhe do të mirëpriste përfshirjen e Al Nassr në këtë garë.

Portugezi, i cili ishte lojtari i parë që fitoi Ligën e Kampionëve në pesë raste, gjithashtu ka bërë më shumë paraqitje në këtë garë dhe ka shënuar më shumë gola (140) se çdo lojtar tjetër në turneun elitar.

Kjo është vetëm maja e ajsbergut kur bëhet fjalë për rekordet e Ronaldos në garën kryesore të Evropës.

Lexo po ashtu Formati i ri i Ligës së Kampionëve: Grafiku tregon qartë se si do të funksionojë

Pasi u emërua golashënuesi më i mirë i Ligës së Kampionëve në shtatë raste, Ronaldo ka shënuar gjithashtu 67 gola në fazat eliminatore të turneut, ka shënuar në tre finale dhe është lojtari i vetëm që ka shënuar në 11 ndeshje radhazi të Ligës së Kampionëve.

Sezonin e ardhshëm, faza e grupeve të Ligës së Kampionëve do të anulohet dhe në vend të kësaj, 36 skuadra do të jenë në një tabelë të madhe të ligës.

Tetë vendet e para të tabelës finale do të kalojnë direkt në raundin e 1/8-tës, ndërsa ata të pozicionuar nga e nënta deri në 24-tën do të hyjnë në ‘play-off’ për të fituar tetë vendet e tjera në raundin e 1/8-të. Pozicionet 25-36 eliminohen nga gara evropiane. /Telegrafi/