Arabia Saudite ka identifikuar dy yjet e Ligës Premier si objektiva për afatin kalimtar të janarit

Anësori i Man Utd, Jadon Sancho dhe sulmuesi i Spurs, Richarlison, janë lidhur me një lëvizje në Arabinë Saudite në janar.

Liga Saudite tashmë po përgatitet afatin kalimtar të dimrit dhe po bën plane se sa para do të duhet të shpenzojë çdo klub.

Verën e kaluar, 13 lojtarë të Ligës Premier vendosën të kalojnë nga Anglia në Lindjen e Mesme. Midis tyre ishin treshja e Liverpoolit, Roberto Firmino, Jordan Henderson dhe Fabinho, dyshja e Manchester Cityt, Riyad Mahrez dhe Aymeric Laporte, si dhe ish-lojtari i Neëcastle, Allan Saint-Maximin.

Ata gjithashtu shpenzuan shumë  duke sjellë edhe Neymar dhe një ndër talentët më të mirë në botë, spanjollin Gabriel Veiga .

Sipas The Telegraph, zyrtarët sauditë kanë identifikuar objektivat afatgjatë dhe në listën e tyre gjenden emra si Mohamed Salah dhe Heung-min Son, por që do të jetë vështire e arritshme një marrëveshje për dyshen në fjalë në afatin kalimtar të janarit.

Salah është në mes të një sezoni të mirë për Liverpoolin dhe Son është bërë njeriu kryesor i Spurs nën drejtimin e Ange Postecoglou pas largimit të Harry Kane në Gjermani.

Kështu që ata kanë kthyer vëmendjen tek Jadon Sancho. 23-vjeçari nuk ka luajtur që nga shtatori pas një mosmarrëveshjeje me trajnerin Erik ten Hag.

Lexo po ashtu Largimi i Sanchos nga United në janar është mëse i sigurt - e ardhmja e tij jashtë Anglisë

Ndërkohë, objektivi tjetër Richarlison i është nënshtruar një operimi për shkak të një lëndimi. Braziliani nuk është duke luajtur shumë nën urdhrat e Postecoglout që prej ardhjes së Brennan Johnson.

Mbetet të shihet se si do të veprojnë klubet arabe në afatin kalimtar, por një gjë është e sigurtë, ata nuk do të ndalen me kaq./Telegrafi/