Motra rregulloi gjithçka rreth kontratës së re të Diego Simeones: Ai nuk do të jetë më i paguar në botë si trajner

Diego Simeone ka 12 vite në bankinën e Atletico Madridit dhe siç e ka konfirmuar sot shkruan Marca dhe shumë media spanjolle, ai do të qëndrojë edhe për tre vjet e gjysmë dhe do të bëhet trajneri më jetëgjatë në historinë e klubit të famshëm.

E gjithë marrëveshja, shkruan Marca, u organizua nga Natalia Simeone, motra dhe agjentja e legjendarit Chole.

Në fund të tetorit nisën negociatat dhe pas dy takimesh të dyja palët ranë dakord për kushtet dhe Cholo do të qëndrojë në bankinën e Atlético Madridit deri në vitin 2027.

Lexo po ashtu Diego Simeone refuzoi sauditët, zgjat kontratën me Atletico Madridin

Drejtori i Përgjithshëm i Atlético, Miguel Angel Gil Marin, e adhuron Simeonen dhe i ofroi një kontratë të re trevjeçare, por argjentinasi fillimisht ishte në favor të një opsioni dyvjeçar.

Në fund, ai u pajtua, ndërsa çështja e parave nuk ka qenë kurrë objekt diskutimi mes palëve.

Familja Simeone është e vetëdijshme se fuqia financiare e Atletico Madridit nuk është aq e fortë sa dikur dhe trajneri argjentinas ka pranuar të takojë zyrtarët e klubit, ndaj spekulohet se me kontratën e re Simeone do të fitojë dukshëm më pak se 16 milionë eurot që fitonte me kontratën aktuale, që e bënte trajnerin më të paguar në botë.

Atletico nën drejtimin e argjentinasit fitoi dy kampionate spanjolle, Kupën e Mbretit dhe Superkupën e Spanjës. Ata fituan edhe dy herë Ligën e Evropës, dy herë Superkupën e Evropës dhe luajti në dy finale të Ligës së Kampionëve (duke humbur të dyja herët nga Real Madridi). /Telegrafi/