Minjtë sa kallashnikovi, rusët nuk ballafaqohen vetëm me humbjet e mëdha – ata po i sfidojnë edhe brejtësit në istikame

Ushtria e presidentit rus Vladimir Putin që po lufton në Ukrainë ka një problem të madh me brejtësit, shkruan Newsweek duke u bazuar në postimet e shumta në rrjetet sociale.

Kjo media amerikane raporton se për këtë ka informuar opinionin edhe më herët pas videove të shumta që janë publikuar në rrjetet sociale, ku shihen minjtë që po i shkaktojnë problem ushtarëve të Putinit, transmeton Telegrafi.

“Problemi i rusëve me minjtë në istikame është i madh, dhe është rritur akoma më shumë në javët e fundit me rënien e temperaturave”, thuhet në një postim të OSINTtechnical në rrjetin social X (ish-Twitter).

Lexo po ashtu Konvoji i tankeve ruse tentoi të thyej vijën mbrojtëse të ukrainasve, e pësuan keq – u goditën rëndë

Në postim janë publikuar pamjet prej 19 sekondave, ku shihen tufat e minjve duke vrapuar në një shtrat të drurit i ndërtuar në istikame.

Newsweek raporton se nuk dihet se ku dhe kur është filmuar kjo video, kurse për këtë problem janë dërguar letra edhe ministrisë ruse të Mbrojtjes.

E disa orë para publikimit të kësaj videoje OSINTtechnical, në po të njëjtin rrjet social ka publikuar fotografinë e miut të ngordhur pranë një kallashnikovi me komentin: “duket se në Donetsk kanë punë me brejtësit e madhësive të pazakonta”. /Telegrafi/

The Russian trench rat/mice issue is a fairly serious one that reportedly really went downhill over the past few weeks as cold weather set in. https://t.co/9fgatxh2EK pic.twitter.com/OA9PM9P2g2

— OSINTtechnical (@Osinttechnical) October 27, 2023