Rikuperoni muskujt pas një aktiviteti të rëndë fizik përmes këtyre shtatë ushqimeve

Aktivitetet e forta fizike, si ushtrimet, mund të jenë shumë stresuese për trupin dhe muskujt tuaj lodhen. Për t’i rikuperuar, këshillohet të konsumoni më shumë lëndë ushqyese. Prandaj, herën tjetër hani disa nga ushqimet e listuara më poshtë.

Një dietë ushqyese për rehabilitimin e muskujve mund t’ju ndihmojë t’i jepni trupit energjinë që i nevojitet. Ushqimi është thelbësor sepse i lejon organizmit t’i përthithë shpejt lëndët ushqyese, gjë që përshpejton procesin e shërimit.

Nutricionistja Divya Gopal tregon se cilat ushqime janë të dëshirueshme në procesin e rikuperimit:

Shalqiri

Shalqinjtë janë të pasur me ujë, të shijshëm dhe plot lëndë ushqyese. Ato janë plot me aminoacidin L-citruline, i cili është një bllok ndërtimi për proteinat. Do të ketë një efekt antioksidant në trupin tuaj dhe do ta rritë prodhimin e oksidit nitrik nga trupi, i cili dihet se përmirëson qarkullimin e gjakut dhe energjinë e muskujve – shkruan Health Shots.

Peshku i yndyrshëm

Peshqit e yndyrshëm, si salmoni dhe sardelet, janë plot me lëndë ushqyese thelbësore që do t’ju ndihmojnë të rikuperoheni shpejt. Ai gjithashtu përmban yndyra të shëndetshme që mund ta ndihmojnë trupin ta luftojë inflamacionin dhe të nxisë rritjen e muskujve.

Shega

Ngrënia e shegës ose pirja e lëngut të shegës ka një efekt pozitiv në shëndetin tuaj, sepse është një burim i pasur i polifenoleve, komponime bimore që kanë veti anti-inflamatore.

Vezët

Vezët janë padyshim ushqimi më i popullarizuar te njerëzit që kujdesen për shëndetin e tyre. Janë plot me proteina dhe lëndë ushqyese. E verdha e vezës i siguron trupit vitamina, minerale dhe acide yndyrore. Shtimi i vezëve në dietën tuaj të përditshme do ta përmirësojë shëndetin e muskujve.

Produktet e qumështit

Nëse dëshironi të jeni në formë, nuk duhet t’i përjashtoni produktet e qumështit nga dieta e përditshme. Qumështi dhe produktet e qumështit, si kosi, kefiri dhe gjiza, janë të mira për shëndetin, pasi janë të pasura me proteina dhe i sigurojnë trupit lëndë ushqyese thelbësore për rritjen dhe riparimin e muskujve.

Thjerrëzat dhe bishtajoret

Një depo e lëndëve ushqyese thelbësore, si thjerrëzat dhe bishtajoret, mund të ndihmojnë në rikuperimin e përgjithshëm të muskujve, pasi ato janë të mbushura me sasi të larta proteinash dhe fibrash.

Vitamina D

Rreziku i rënies dhe dobësisë fizike rriten nga nivelet e ulëta të vitaminës D. Prandaj, vitamina D është thelbësore për ruajtjen e funksionit të shëndetshëm të muskujve. Është zbuluar gjithashtu se ndihmon muskujt të rikuperohen më shpejt pas stërvitjes së rëndë dhe madje mund ta ndalojë dëmtimin e muskujve të shkaktuar nga ushtrimet. Pra, hani ushqime të pasura me vitaminë D, të cilat janë padyshim: salmoni, kosi, qumështi, djathi, tërshëra, tofu dhe vezët. /Telegrafi/