Pusetat e hapura – nga Komuna e Prishtinës thonë se do të intervenojnë, ndërsa Fushë Kosova hesht

Edhe pse ditë më parë u raportua se në zonën e Prishtinës dhe Fushë Kosovës, disa qytetarë kishin njoftuar për rrezikun që po e kanë nga pusetat e hapura, nga Komuna  e Fushë Kosovës heshtin, derisa Komuna e Prishtinës thotë se çështja është adresuar dhe do të intervenohet sa më shpejt.

Drejtoria e Investimeve Kapitale në Komunë të Prishtinës kanë thënë për Telegrafin se pusetat mund të jenë të hapura dhe pa kapak për arsye të panjohura.

Por siç thanë ata, kërkesën e kanë adresuar tek menaxheri i kontratës për Intervenime infrastrukturore në mënyrë që të intervenoj sa më shpejt.

Lexo po ashtu Puseta të hapura në Prishtinë e Fushë Kosovë, rrezik për qytetarët

“Puseta për të cilën bisedojmë mund të jetë pa kapak për arsye të ndryshme të panjohura, më parë nuk ka qenë e hapur, mirëpo kërkesën e kemi adresuar menjëherë tek menaxheri i kontratës për Intervenime infrastrukturore në mënyrë që të intervenoj sa më shpejt”, thuhet në përgjigjen nga drejtoria e Investimeve Kapitale në Komunë të Prishtinës.

Ndërkaq, nga Komuna e Fushës Kosovës ende nuk ka përgjigje për një puset të hapur e cila gjendet në rrugën e “Uglarit”.

Ndryshe, qytetarët kanë raportuar në redaksinë e Telegrafit, se këto puseta të hapura (në mungesë të kapakëve) paraqesin rrezik jo vetëm për të rriturit, por edhe për fëmijët. /Telegrafi/