Izraeli formon “qeverinë e luftës”

Izraeli do të formojë një qeveri emergjente dhe kabinet për menaxhimin e luftës.

Ky njoftim ka ardhur të mërkurën nga kryeministri Benjamin Netanyahu dhe kreu i Partisë së Unitetit Kombëtar, Benny Gantz, shkruajnë mediat e huaja, përcjell Telegrafi.

Gantz, një ish-ministër i mbrojtjes, do t’i bashkohet Netanyahut dhe ministrit aktual të mbrojtjes Yoav Gallant në një “kabinet të menaxhimit të luftës”, thuhet në deklaratën e përbashkët Netanyahu-Gantz.

Lexo po ashtu Zëvendësministri turk i Arsimit i reagon ashpër kryeministrit izraelit, në videon e postuar të sulmeve ajrore në Gazë

Qeveria nuk do të miratojë asnjë ligj apo vendim që nuk ka të bëjë me zhvillimin e luftës, thuhet në njoftim.

Kjo nënkupton se rishikimi i diskutueshëm gjyqësor nuk do të ecë përpara ndërsa qeveria e urgjencës është në fuqi.

Ndërkohë nuk ka pasur asnjë tregues se lideri i opozitës Yair Lapid dhe partia e tij Yesh Atid po i bashkohen qeverisë.

Konflikti midis Izraelit dhe Hamasit ka arritur nivele të paprecedentë pas sulmit të fundjavës së kaluar në territorin izraelit, pa dritë në fund të tunelit për popullsinë vendase.

Për dekada, ata kanë mbetur “të pafuqishëm” ndërsa shpresat zbehen për një zgjidhje që mund të stabilizonte rajonin në një afat të shkurtër.

Hugh Lovatt është ekspert për Lindjen e Mesme dhe Afrikën e Veriut në Këshillin Evropian për Marrëdhëniet me Jashtë.

Lexo po ashtu Izraelitët bombardojnë Universitetin në Gaza, publikohen pamjet e sulmit ajror

Ai tha: “Unë nuk mendoj se asnjëra palë ka vullnetin për t’i dhënë fund luftimeve për momentin. Dhe nuk mendoj se kthimi në mënyrën se si ishin gjërat më parë se lufta është një opsion për secilën palë tani”.

Bashkimi Evropian dhe Shtetet e Bashkuara janë përpjekur pa sukses për të afruar Izraelin dhe Palestinezët.

Tani, pas sulmit të së shtunës, të dyja palët janë më larg se kurrë dhe Lovatt vë në dyshim nëse Brukseli dhe Uashingtoni mund ta ndryshojnë këtë. /Telegrafi/