Olivier Giroud pjesë e formacionit të javës në Serie A, jo si lojtar – por si portier

Ylli i Milanit, Olivier Giroud bërë pjesë e ekipi të javës në Serie A, por si portier për pritjen e tij ‘heroike’ kundër Genoas.

Sulmuesi veteran u detyrua të futet në portë, pasi portieri Mike Maignan u përjashtua me karton të kuq nga fundi i ndeshjes përballë Genoas.

Giroud bëri një pritje heroike në minutat e fundit të ndeshjes që i lejoi skuadrës së tij të mbante portën e paprekur dhe të merrte tre pikë të arta. Golin e vetëm të ndeshjes e shënoi Christian Pulisic në minutën e 87-të.

Performanca e sulmuesit francez mes dy shtyllave i dha atij një vend në ekipin e javës në Serie A si portier, në vend të pozicionit të tij normal të sulmuesit.

𝐁𝐄𝐒𝐓 𝐗𝐈 @Fantacalcio 🔎 trova l'intruso 🥸 pic.twitter.com/AGrVQOeRzq

— Lega Serie A (@SerieA) October 9, 2023

Për të nderuar paraqitjen e tij të guximshme në atë ndeshje, AC Milan tani ka vënë në dispozicion për të blerë fanella speciale Olivier Giroud si portier. Tifozët tani mund të blejnë fanella portierësh dhe t’i personalizojnë me ‘Giroud 9’.

Skuadra e Stefano Piolit do të përballet me Juventusin në një ndeshje vendimtare në Serie A më 22 tetor pas përfundimit të ndeshjeve me kombëtare./Telegrafi/