Presidentja sllovake kundërshton transferimin e armëve në Ukrainë

Fituesi i zgjedhjeve parlamentare në Sllovaki, Robert Fico, i cili premtoi se nuk do t’i jepte më ukrainasve as edhe një armë, nuk është bërë ende kryeministër, por presidentja Zuzana Çaputova tashmë po kundërshton transferimin e armëve të tjera në Ukrainë.

Gazeta sllovake Dennik N raportoi të mërkurën se presidentja, e cila mbështeti shtetin ukrainas gjatë gjithë luftës, shpjegoi qëndrimin e saj me nevojën për të respektuar rezultatet e zgjedhjeve.

Ministria Sllovake e Mbrojtjes po shqyrton mundësinë e transferimit të një pakete tjetër ndihme ushtarake në Ukrainë, e cila mund të transferohet nën qeverinë aktuale, “teknike” të Ludovít Odor, por Çaputova po e kundërshton ashpër këtë lëvizje të qeverisë në largim.

Slovak president already opposes transfer of military aid to Ukraine

The winner of the parliamentary elections in #Slovakia, Robert Fico, who promised not to give #Ukraine even a patron anymore, has not yet become prime minister, but President Zuzana Čaputová is already opposing… pic.twitter.com/C3keIKwNvA

— NEXTA (@nexta_tv) October 5, 2023

Sipas mendimit të saj, në një situatë kur partia SMER e Ficos dhe disa parti të tjera të vogla që kundërshtojnë mbështetjen ushtarake për Ukrainën fituan shumicën e votave në zgjedhje, dorëzimi i paketës ndërmjet zgjedhjeve dhe formimit të një qeverie të re do të krijonte një precedent të rrezikshëm.

Dennik N nuk specifikon se çfarë do të ndodhë përfundimisht me paketën e ardhshme. Presidenti në Sllovaki është një figurë kryesisht ceremoniale dhe nuk mund të urdhërojë zyrtarisht qeverinë.

Lexo po ashtu Një 'adhurues' i Putinit, makinave të shpejta dhe ‘bodybuilding-ut’ – kush është Robert Fico, njeriu që pritet të kthehet në pushtet në Sllovaki?

Zuzana Çaputova, menjëherë pas zgjedhjeve, nominoi Robert Ficon, si kryetar i partisë fituese, të formonte një qeveri. Ai ka dy javë kohë për të krijuar një koalicion qeverisës me partitë e tjera.

Në të njëjtën kohë, kreu i partisë HLAS, ish-bashkëpunëtori i Ficos, Peter Pellegrini, nuk përjashton që nëse këto negociata dështojnë, ai mund të shkojë në koalicion me liberalët pro-evropianë. Partia e Pellegrinit doli e treta dhe pozicioni i saj në formimin e qeverisë do të jetë vendimtar. /Telegrafi/