Lajçak dhe komandanti në ardhje i KFOR-it, flasin për situatën aktuale në Kosovë dhe dialogun

Pas situatës në veri të Kosovës, emisari special i BE-së, Miroslav Lajçak, ka takuar komandantin e ardhshëm të KFOR-it, gjeneralmajor Ozkan Ulutas.

Këtë Lajçak e ka bërë të ditur në rrjetin social X  (ish-Twitter).

Ai tha se gjatë takimit me Ulutas është biseduar për situatën aktualë në Kosovë, si dhe dialogun.

Tutje theksoi se pret bashkëpunim të ngushtë më KFOR-in.

“Kënaqësi të mirëpres në zyrën time komandantin e ardhshëm të KFOR-it, gjeneralmajor Ulutaş. Kemi shkëmbyer mendime për situatën aktuale në Kosovë dhe për dialogun. Mezi presim vazhdimin e bashkëpunimit të shkëlqyer të gjatë me KFOR-in”, shkroi Lajçak.

Ditë më parë, Lajçak është takuar me emisarin amerikan për Ballkanin Perëndimor, Gabriel Escobar, si dhe me kryekëshiltarët diplomatikë nga Gjermania, Franca e Italia, Emmanuel Bonne, Jens Plötner dhe Francesco Talo.

Në këtë takim urgjent është biseduar për hapat e mëtutjeshëm të zbatimit të marrëveshjes në mes Kosovës dhe Serbisë.

”Konsultime intensive dhe shumë thelbësore me kryekëshilltarët diplomatikë Bonne, Plötner, Talo dhe të dërguarin e SHBA-së për dialog Gabriel Escobar. Diskutuam hapat e ardhshëm në zbatimin e Marrëveshjes për rrugën drejt normalizimit dhe situatën në veri të Kosovës. Faleminderit për mbështetjen e plotë”, ka shkruar Lajçak në platformën X./Telegrafi/

Pleasure to welcome the incoming Commander of @NATO_KFOR Major General Ulutaş in my office today. We exchanged views on the current situation in Kosovo and the Dialogue. Looking forward to continuing the long-standing excellent cooperation with KFOR. pic.twitter.com/P66nFYLXAr

— Miroslav Lajčák (@MiroslavLajcak) September 27, 2023