SHBA-ja akuzon Amazonin për monopol të paligjshëm të tregut

Rregullatorët amerikanë kanë paditur Amazon, duke pretenduar se gjiganti i shitjeve online po e ruan në mënyrë të paligjshme monopolin në treg.

Komisioni Federal i Tregtisë (FTC) tha se Amazon përdor “një grup strategjish anti-konkurruese dhe të padrejta” për të rritur çmimet dhe për të mbytur konkurrencën. Në anën tjetër, Amazon tha se padia ishte “e gabuar dhe ne mezi presim ta dërgojnë çështjen në gjykatë”.

Shefja e FTC-së, Lina Khan, ka vite që e ka në qendër të vëmendjes Amazonin. Në vitin 2017, Khan, publikoi një artikull duke argumentuar se shitësi në internet i kishte shpëtuar shqyrtimit kundër konkurrencës.

Që nga emërimi i saj si kryetare e FTC-së në vitin 2021, ky rast është pritur gjerësisht – dhe është parë si një test vendimtar i udhëheqjes së saj.

Dominimi i firmave të fuqishme të teknologjisë ka bërë që disa politikanë amerikanë të bëjnë thirrje për veprime që do të nxisin më shumë konkurrencë në kërkimin online, shitjen me pakicë dhe mediet sociale. Megjithatë, FTC nën drejtimin e Khanit ka pasur pak për të treguar për retorikën e saj të fortë kundër “Big-Tech”.

Agjencia, së bashku me 17 avokatë shtetërorë, pretendon se Amazon është një “monopol” që ndalon rivalët dhe shitësit të ulin çmimet.

Rregullatori gjithashtu pretendoi se veprimet e gjigantit të internetit “degradojnë cilësinë për blerësit, mbingarkojnë shitësit, mbysin inovacionin dhe parandalojnë rivalët që të konkurrojnë në mënyrë të drejtë kundër Amazon”. /Telegrafi/