Nga: Aurel Plasari
U bëra kureshtar duke lexuar recensionet në shtypin italian për librin e ri të historianit Alessandro Barbero për Danten. Danteja 18-vjeçar ëndërron Beatriçen lakuriq?!
Libri vërtet përshkruan Danten si “një adoleshent me dëshira ende të papërmbushura”. Pasi e ka parë një herë Beatriçen në moshën nëntëvjeçare, pas nëntë vjetësh ndodh të pamët e dytë. Ai 18 vjeç, ajo 17, por tanimë grua e martuar dhe mund të dalë nga shtëpia, edhe pse pothuaj gjithnjë e shoqëruar, siç ia kërkon sëra e të shoqit, kalorësit Simone de’ Bardi.
Asaj dite është në shoqërinë e dy zonjave të shkuara në moshë dhe, për herë të parë, e vë re adoleshentin. Atë, si çdo adoleshent të ndrojtur, e zë paniku. Mirëpo Bea ndesh në vështrimin e tij dhe e përshëndet duke e dërguar në qiellin e shtatë: “Aq sa m’u duk se pashë ahere të gjitha skajet e lumturisë”. Qe e para herë që dëgjonte zërin e saj!
Paskëtaj 18-vjeçari vrapon në shtëpi dhe mbyllet në dhomën e vet, ku riprodhon me mend takimin me Beatriçen. Ka rënë nata dhe ai, ashtu i mbyllur në dhomë, e ëndërron atë lakuriq. E thotë shkoqur autori i librit, edhe nëse vetë Danteja e paskej thënë “me një fshikje aq të lehtë saqë ekzegetët zakonisht i shmangen komentimit”.
Jemi në Mesjetë, mes viteve 1292-1294. Le ta hapim tekstin e Dantes, “La vita nova”, për të verifikuar sesi vallë e paskej thënë.
Ja, në Këngën III: E pensando di lei, mi sopragiunse uno soave sonno, ne lo quale m’apparve una maravigliosa visione: che me parea vedere ne la mia camera una nebula di colore di fuoco, dentro a la quale io discernea una figura d’uno segnore di pauroso aspetto a chi la guardasse […] Ne le sue braccia mi parea vedere una persona dormire nuda, salvo che involta mi parea in uno drappo sanguigno leggeramente.
D.m.th.: Dhe, duke menduar për të, më pllakosi një gjumë i ëmbël, në të cilin m’u shfaq një vegim i mrekullueshëm: në dhomën time m’u duk sikur pashë një mjegullinë ngjyrë zjarri, brenda së cilës dalloja figurën e një zotnie me pamje të frikshme […] Në krahët e tij m’u dukej sikur shihja një person tek flinte lakuriq, vetëm se më dukej mbështjellë në një çarçaf lehtësisht të përgjakur.
Autori ka të drejtë: punët duhen thënë shkoqur. Një shembull sesi duhet shkruar për shkrimtarët, pra edhe një rekomandim leximi.
Promo
Reklamo këtuLufta Prigozhin - Putin
Më shumëDeri në shekullin XIX, malazezët nuk e kanë mohuar origjinën shqiptare
Jeta në komunizmin shqiptar
“Medea” si bazë e tragjedisë apo vetë pasoja e një gruaje
Ditari i Kosta Novakoviqit, për krimet e Serbisë në Shqipëri
KËNGA E NATËS
Turistët vizitojnë shtëpinë e Enver Hoxhës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend