Zelensky thotë se do të hetohen të gjitha rrethanat e përplasjes së aeroplanëve ukrainas, ku humbën jetën tre pilotë

Presidenti ukrainas Volodymyr Zelensky në adresimin e tij të mbrëmshëm, ka paralajmëruar se do të shqyrtohen të gjitha rrethanat e përplasjes së dy aeroplanëve luftarak ukrainas L-39 mbi rajonin Zhitomirsk.

“Mbrëmë ka ndodhur katastrofa në qiell mbi rajonin Zhitomirsk. Tre pilotë humbën jetën. Në mesin e tyre Andrii Pilshchikov i njohur si Juice. Ai ishte një prej pilotëve më të zot ukrainas që i ndihmoi shumë vendit tonë. Shpreh ngushëllimet familjes dhe miqve dhe të gjithë atyre që i kanë njoftuar pilotët tanë”, tha Zelensky, transmeton Telegrafi.

“Hetimet për atë se çfarë ka ndodhur është duke u zhvilluar. Për detaje është herët të flitet. Natyrisht, të gjitha rrethanat do të ndriçohen. Ukraina kurrë nuk do të harroj askënd që e ka mbrojtur qiellin e Ukrainës”, shtoi presidenti ukrainas, që theksoi se Ukraina do të duhej këtë vit të sigurojë aeroplanët F-16 që do ta mbronin qiellin e Ukrainës.

Lexo po ashtu Zyrtari ukrainas: Prodhuam një raketë të re, me të shkatërruam sistemin raketor rus S-400

Ai i bëri thirrje qytetarëve të vendit të tij, që të kenë kujdes dhe të kujdesen për njëri-tjetrit në momentet më të vështira, në kohën kur forcat pushtuese ruse nuk po zgjedhin mjete që të arrijnë objektivat e tyre.

Ndryshe kundërofensiva ukrainase po vazhdon, ku në një operacion special pjesëtarët e njësive elitare kanë arritur të futen në Krime dhe të ngritin flamurin ukrainas. /Telegrafi/

Today is Ukraine’s Aviation Day. We are working to receive F-16s this year to begin its new chapter.

Sadly, there is also tragic news. Yesterday, a catastrophe in the sky over the Zhytomyr region killed three pilots, including Andriy Pilschikov, callsign “Juice”.

My heart goes… pic.twitter.com/DSahAg3vom

— Volodymyr Zelenskyy / Володимир Зеленський (@ZelenskyyUa) August 26, 2023