Bashkimi Evropian përmes një deklarate publike të mërkurën, është shprehur i shqetësuar lidhur me dorëheqjen e disa pjesëtarëve serbë nga Policia e Kosovës, të cilët ishin rekrutuar së fundmi nga ky institucion.
Zëdhënësi i BE-së, Peter Stano, ka thënë se pjesëtarët e Policisë së Kosovës duhet të reflektojnë dhe përfaqësojnë shoqërinë të cilës i shërbejnë dhe e mbrojnë.
“Pjesëtarët joshumicë të Policisë së Kosovës kanë një rol për të luajtur duke kontribuar në sigurinë e komunitetit të tyre përmes policimit të orientuar drejt komunitetit. Ne dënojmë presionin psikologjik, frikësimin dhe kërcënimet për hakmarrje ndaj pjesëtarëve serbë të Policisë së Kosovës, të cilat thuhet se kanë motivuar dorëheqjen e policëve të saporekrutuar”, ka deklaruar Stano, transmeton Telegrafi.
Ai tutje është shprehur se çdo lloj sjelljeje frikësuese apo kërcënuese ndaj policëve serbë të Kosovës, duke përfshirë edhe akterët e lidhur me Serbinë, është e papranueshme dhe duhet të ndalet menjëherë.
“Çdo frikësim i tillë është kundër frymës së normalizimit të marrëdhënieve ndërmjet Kosovës dhe Serbisë. Institucionet e Kosovës duhet të jenë gjithëpërfshirëse dhe multietnike dhe BE-ja nënvizon se një zgjidhje e qëndrueshme për çështjen e kthimit të serbëve të Kosovës në institucione duhet të gjendet në kuadër të dialogut të lehtësuar nga BE-ja”, ka thënë Stano.
Në fund, ai ka theksuar se “BE-ja mbetet e përkushtuar për de-përshkallëzimin e situatës në veri të Kosovës, siç është theksuar në deklaratën e Përfaqësuesit të lartë të BE-së për Politikë të Jashtme dhe Siguri në emër të 27 vendeve të BE-së më 3 qershor”.
“Deklarata u tregoi të dyja palëve përgjegjësi të qarta për de-përshkallëzimin me synimin për të organizuar zgjedhje të parakohshme lokale gjithëpërfshirëse në të katër komunat sa më shpejt të jetë e mundur me pjesëmarrjen e serbëve të Kosovës pa parakushte”, ka përfunduar Stano.
Ditë më parë edhe diplomatë ndërkombëtarë të akredituar në Kosovë, kanë shprehur shqetësimin e tyre për dorëheqjen e policëve serbë të Kosovës.
Rreth 550 policë serbë në veri – në komunat Mitrovicë e Veriut, Zveçan, Leposaviq dhe Zubin Potok – patën dhënë dorëheqje kolektivisht nga Policia e Kosovës në nëntor të vitit të kaluar, si shenjë proteste ndaj vendimit të Qeverisë së Kosovës për regjistrimin e makinave me targa ilegale serbe në RKS – Republika e Kosovës.
Pas dorëheqjeve, autoritetet në Kosovë patën shpallur konkurs për pranim të policëve të rinj, duke i punësuar 74 të tillë.
Prej tyre, 46 është raportuar se kanë qenë nga komuniteti serb. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shtatë të lënduar nga aksidenti i mbrëmshëm në hyrje të Qendrës Klinike në Shkup
Takimi Kurti-Allen, kryeministri shpreh shqetësimin për kërcënimet nga Serbia dhe lënien në liri të Radoiçiqit
Andonovski: Nuk do të luhet më futboll nëpër ministri, institucionet e udhëhequra nga BDI janë në prag të kolapsit
Nënsekretarja amerikane pas takimit me Kurtin: Kosova i takon BE-së dhe NATO-s
Shkarkohet kryetari i sindikatës së Policisë së Kosovës
Diskriminimi i banorëve shqiptarë në Graçanicë, Avokati i Popullit: Rasti është në procedurë të hetimit
Arratiset Enver Sekiraqa, policia ka informuar të gjitha vendkalimet kufitare
Allen përmend Asociacionin, e ndërlidh me rrugëtimin euroatlantik të Kosovës
Flet shqiptari që vrau gruan: Nuk pendohem, hante me paratë e mia dhe më tradhtonte
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare