Putin pranon se Rusia ka probleme ekonomike

Presidenti rus, Vladimir Putin ka folur rreth situatës ekonomike të Rusisë teksa u shfaq përmes një videolidhjeje në samitin e BRICS-it.

Ai thotë se Rusia është pjesë e pesë vendeve më të fuqishme ekonomikisht në botë, pavarësisht “pikëpamjeve pesimiste” të ekspertëve perëndimor.

Lideri rus thotë se “ka paqëndrueshmëri në tregjet financiare, energjetike dhe të tjera, dhe se po rriten borxhet shtetërore dhe private”.

Lexo po ashtu Dyshohet se ishte pjesë e njësitit famëkeq serb “Frenki” në Kosovë - kush është rekrutuesi i serbëve që do të luftojnë për rusët në Ukrainë?

Ai u bëri thirrje partnerëve të BRICS-it që të bashkëpunojnë në kushte të barabarta ndërsa thotë se Rusia mbetet dhe do të jetë një furnizues i besueshëm ushqimor për Afrikën.

“Ne bashkëpunojmë mbi parimet e barazisë, mbështetjes së partneritetit, respektimit të interesave të njëri-tjetrit dhe ky është thelbi i kursit strategjik të shoqatës sonë të orientuar drejt së ardhmes, një kurs që përmbush aspiratat e pjesës kryesore të komunitetit botëror, e ashtuquajtura shumicë globale”, pohoi presidenti rus.

Anëtarët e BRICS përfaqësojnë më shumë se 40 për qind të popullsisë së botës. Samiti pritet të diskutojë shtimin e anëtarëve të rinj. /Telegrafi/