PSG ka më pak se 48 orë për të aktivizuar klauzolën e Dembeles

Ka pasur shumë spekulime rreth Ousmane Dembele gjatë ditëve të fundit. Raportimet bëjnë të ditur për interesimin e Paris Saint-Germain për anësorin e Barcelonës, i cili ka më pak se 12 muaj të mbetur në kontratën e tij aktuale.

Më 1 qershor, klauzola e lirimit të Dembeles në Barcelonë u ul nga 100 milionë në 50 milionë euro, dhe vetë lojtari do të fitonte gjysmën e kësaj shume nëse klauzola do të aktivizohet.

Megjithatë, është aktive vetëm deri të martën (1 gusht), pas së cilës kthehet në 100 milionë euro.

Lexo po ashtu Super strategji nga Barcelona: Dembele i shënon Courtoisit gol si në stërvitje

Si rezultat, PSG-ja ka vetëm kohë deri në fund të së hënës për të aktivizuar klauzolën e lirimit prej 50 milionë eurosh të Dembeles, pas së cilës ata do të duhet të paguajnë dyfish për ta nënshkruar atë.

Xavi Hernandez është i sigurt se do t’i mbajë shërbimet e Dembeles, megjithëse ai pranoi se nuk mund të garantojë absolutisht që francezi do të qëndrojë.

Barcelona shpreson të bjerë dakord për një kontratë të re me Dembelen gjatë javëve të ardhshme, megjithëse do të mbështetet në refuzimin e tij të avancimeve të PSG-së nëse kampionët francezë aktivizojnë klauzolën e tij të lirimit. /Telegrafi/