Ish-punëtorët rusë të mbrojtjes dënohen për spiunazh në emër të Ukrainës

Dy ish-punëtorë rusë të mbrojtjes janë dënuar me 17 dhe 13 vjet burg për tradhti, pasi u shpallën fajtorë për spiunazh në dobi të Ukrainës.

Çifti, i cili më parë ishte i martuar, kaloi në radhët e inteligjencës ushtarake ukrainase dhe planifikoi të hidhte në erë linjat hekurudhore, tha Gjykata Rajonale e Kurskut, raporton skynews.

Ata u arrestuan muajin e kaluar nga shërbimi i sigurisë FSB në rajonin e Kurskut, pranë kufirit me Ukrainën, dhe u akuzuan për dorëzimin e dokumenteve teknike dhe modeleve të përdorura në prodhimin e sistemeve të armëve për forcat ajrore ruse.

Në një deklaratë që njoftonte arrestimet e tyre, FSB-ja tha se dyshja, e identifikuar si R.A. Sidorkin dhe T.A. Sidorkina, ishte përfshirë në planet për të hedhur në erë linjat hekurudhore në rajonet Kursk dhe Belgorod.

Ajo tha se kishte sekuestruar eksplozivë plastikë, katër detonatorë, dokumentacion të dizajnit ushtarak dhe 150 mijë dollarë para të gatshme.

Sidorkin, 50 vjeç, u akuzua gjithashtu për posedim të paligjshëm të armëve të zjarrit dhe municionit dhe u dënua me 17 vjet. Sidorkina, 41 vjeç, u dënua me 13 vjet. /Telegrafi/