Bayern Munich ka gati ofertën e tretë për Harry Kane

Bayern Munich raportohet se do të paraqesë një ofertë të tretë për Harry Kane, ndërsa ata vazhdojnë përpjekjet e tyre të pandërprera për të nënshkruar me sulmuesin.

Kapiteni i Anglisë duket se do të largohet nga Londra Veriore këtë verë me vetëm një vit të mbetur në kontratën e tij aktuale.

Afati aktual i transferimeve përfaqëson shansin e fundit të Spurs për të siguruar një tarifë të konsiderueshme nga shitja e Kane.

Lexo po ashtu Bayern Munich shton 10 milionë euro nga oferta e parë për Harry Kane

Deri më tani, kryetari i klubit Daniel Levy ka shtruar kërkesa të mëdha për të, diçka që tashmë ka bërë që Manchester United të dalë jashtë garës.

Bayern Munich është gjithashtu pretendent për nënshkrimin e tij këtë verë dhe tashmë ka paraqitur disa oferta.

Të dyja janë refuzuar nga Spurs, por kjo nuk duket se i ka dekurajuar gjigantët gjermanë. Sipas The Times, Bayern do të paraqesë një ofertë të tretë për shërbimet e tij.

Lexo po ashtu Kane do të refuzojë çdo tentativë për kontratë të re nga Tottenhami

Oferta e tyre e tretë do të paraqitet sapo Spurs të kthehen nga turneu i tyre në Australi, Tajlandë dhe Singapor në fund të muajit.

Tottenham vlerëson Kane në 100 milion £ dhe oferta e fundit e Bayernit nuk ka gjasa të shkojë aq lart, por ata janë optimistë për të rënë dakord për një marrëveshje. /Telegrafi/