Kreu i inteligjencës britanike ka një mesazh për rusët që kundërshtojnë luftën në Ukrainë

Kreu i shërbimit të inteligjencës së jashtme britanike MI6 u bëri thirrje të mërkurën rusëve të tmerruar nga lufta në Ukrainë, që të bashkojnë forcat me agjencinë për t’i dhënë fund agresionit.

Në fjalimin e tij të dytë që kur u bë kreu i MI6 në 2020, Richard Moore tha se Rusia nuk ka gjasa të rifiton vrullin në Ukrainë, transmeton Telegrafi.

Duke folur në ambasadën britanike në Pragë, shefi i inteligjencës e krahasoi situatën aktuale në Ukrainë me Pranverën e Pragës të vitit 1968, e cila u shtyp nga autoritetet sovjetike.

“Ndërsa dëshmojnë përdhosjen, grindjet e brendshme dhe paaftësinë e liderëve të tyre – faktori njerëzor në rastin më të keq – shumë rusë përballen me të njëjtat dilema si paraardhësit e tyre në vitin 1968”, tha ai.

Lexo po ashtu Kreu i inteligjencës ushtarake të Ukrainës: Kemi sulmuar bazën e rusëve në Krime, ata po fshiheni numrin e të vdekurve

“I ftoj ata të bëjnë atë që të tjerët kanë bërë gjatë 18 muajve të fundit – bashkohuni me ne. Dyert tona janë gjithmonë të hapura. Sekretet e tyre do të jenë të sigurta me ne dhe së bashku do të punojmë për të ndaluar gjakderdhjen”, shtoi Moore.

Në fjalimin e tij, Moore tha gjithashtu se përpjekja për rebelim të grupit Wagner në qershor tregoi se presidenti rus Vladimir Putin është nën presion, dhe shtoi se ai është optimist për suksesin e kundërofensivës ukrainase. /Telegrafi/