Sulm i ashpër ajror i rusëve mbi ndërtesat e banimit në Lviv, numri i të vdekurve po rritet

Një sulm me raketa ruse në qytetin e Lviv në perëndim të Ukrainës, janë vrarë të paktën tre persona dhe shpëtimtarët janë duke kërkuar për të mbijetuar mes rrënojave të një ndërtese banimi, tha kryebashkiaku.

“Tre persona u vranë”, tha kryebashkiaku Andrij Sadov në një postim në kanalin e tij Telegram.

Ai shtoi se rruga do të qëndrojë e mbyllur derisa punonjësit e urgjencës “të pastrojnë mbetjet dhe të largojnë të gjithë të vdekurit”, transmeton Telegrafi.

Lexo po ashtu Rrëfimi i ushtarëve rusë të zënë rob nga ukrainasit, thonë se u dërguan në luftë në këmbim të pastrimit të dosjeve kriminale

Ndërkohë në rrjetet sociale po shfaqen informacione për rritje të numrit të të vdekurve, por ende nuk është konfirmuar.

Sadov tha në një postim të mëparshëm se tetë persona u plagosën, por nuk është e qartë nëse ky numër përfshin tre të vdekur. Ai tha se janë dëmtuar rreth 60 banesa dhe 50 vetura.

Guvernatori i rajonit Maksim Kozicki publikoi një video 13 sekondëshe që tregon një ndërtesë të madhe katërkatëshe me disa pjesë të kateve të sipërme të munguara ose në rrënoja.

Njoftimet e zyrtarëve pasuan sulmet ajrore të përhapura në të gjithë Ukrainën, dhe raportet për hyrjen e raketave të lundrimit në hapësirën ajrore të Ukrainës. Sadov raportoi një seri shpërthimesh në qytet. /Telegrafi/